蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月12日

放龜被網民抨擊
薛凱琪開心多人關心小動物

21,436
建立時間 (HKT): 0412 14:20
(攝影:陳順禎)(蘋果日報)

張敬軒同薛凱琪(Fiona)今日喺香港仔出席商台嘅《饑饉三十》。軒仔之前因患鏈球菌病咗一個半月,佢哋分別拎咪做訪問,Fiona跟住軒仔之後做訪問就講笑話:「吓?!我頭先拖住佢軒仔一日,佢仲摸我膝頭,佢只係話喉嚨生痱滋,會唔會傳染到我膝頭同手指生痱滋架?」

問到Fiona係咪個個男仔都拖,佢話因軒仔係閏密先會。更否認之前同個男仔去灣仔一間酒店開房兩個鐘,佢話:「新聞無奇不有,我只係去嗰間酒店隔離嘅大廈做Gym。父母一直知我去向,但寫到我去酒店開房會令佢哋擔心,都有同Daddy講嗰個係中學同學嘅朋友,大家識咗好耐。」

至於之前佢拎龜去放生被網民抨擊,佢話:「相信冇一種動物唔習慣喺野外,冇動物天生喺籠入面,而且唔使擔心會鹹死隻龜,因為我去新娘潭放,嗰度係淡水,但開心原來有咁多人關心小動物,下次放生放雀,同一都係放上天。」

另外軒仔講之前病,佢媽咪煲咗好多小動物俾佢服用:「媽咪好似巫婆煲蜈蚣、蟬蛻同屎蟲乾,又睇西醫食兩種抗生素,差啲要入院。」仲話平時媽咪會煲啲鞭類補品,佢話:「唔知點解佢覺得我有咁嘅需要。」而佢有慰問鄭希怡,話冇乜事叫大家放心。

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載