› 選擇地區
三藩市
紐約
洛杉磯
其他美國地區
香港 台灣 北美
 
2015年04月19日

【善心爆棚】陳玉蓮出錢出力 為內地孩童提供教學

(攝影:陳順禎)
建立時間 (HKT): 0419 06:00

陳玉蓮及張羽希(前名張苡澂),噚晚以香港復康力量復康大使身份,出席喺紅磡舉行嘅「香港人香港情」記者會暨支票捐贈及慈善晚宴,而原本嘉賓名單上有羅霖,不過佢最後冇出現。


陳玉蓮就話近年只做慈善活動,佢啱啱喺廣州返嚟,0依家忙於照顧內地小朋友,有時會去偏遠山區,好似去年就去咗雲南,帶一啲小朋友返嚟栽培佢哋,陳玉蓮話因為喺內地,如果屋企冇錢,內地小朋友只讀到中三,就唔能夠繼續學業,所以佢會揀適合小朋友,除咗供佢哋食住外,亦會提供教學。

陳玉蓮與同一班志願人士自己攞錢出嚟,組成私人團隊,教小朋友文化﹑英文及數學,會教授佢哋多啲知識,但陳玉蓮強調佢哋並非慈善團體,只係一班有志之士攞錢出嚟幫手。

佢又話希望教好小朋友個人行為,除咗畀錢栽培佢哋,亦會畀錢小朋友嘅家人,因為喺內地偏遠地區,小朋友到咗適合年齡,家人就唔會再畀佢哋讀書,要留喺屋企幫手,可能係耕田,或工作幫屋企搵錢,所以佢哋會向其家人提供金錢資助。

不過陳玉蓮表示由於本身並非任何慈善團體,所以去內地做呢啲事比較困難,內地政府部門要知道係一啲乜嘢人,去幫助呢啲小朋友,但佢自己唔怕困難,仍然堅持用陳玉蓮身份去做,過往七年佢都係咁做。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載