› 選擇地區
三藩市
紐約
洛杉磯
其他美國地區
香港 台灣 北美
 
2015年04月21日

【韓流】《Producer》劇組玩嘢 搞到金秀賢着錯衫?

建立時間 (HKT): 0421 06:00

由金秀賢、孔孝真、車太鉉同IU主演嘅KBS新劇《Producer》下個月8號就出街,佢喺星期日公開咗首個預告,當中點擊率仲好鬼勁,唔少劇迷都眅實金秀賢隔咗年幾再拍新劇,有網民就發現金秀賢喺預告中件西裝好似大咗一個size咁,搞到金秀賢個膊頭好似垂咗落去,感覺好奇怪。

粉絲見到咁,都質疑到底係唔係劇組玩嘢,專登整件唔啱size畀金秀賢,不過有關人士就即刻解釋,話金秀賢喺劇中原本係想考檢察官,但最後卻即興選擇做導演,所以性格方面會好似儍頭儍腦嘅死讀書角色,所以着件大size嘅衫係刻意安排。

至於劉在錫同金九拉主持嘅SBS新綜藝節目《同床異夢,沒關係沒關係》決定安排於韓國時間周六晚8時45分播出,到時將會同《Producer》對撼,另外韓國男歌手柳熙烈亦都決定客串演出《Producer》一角。

至於同樣喺下月8號首播嘅tvN新劇《前女友俱樂部》,今日亦都公開咗宋智孝同卞耀漢新一輯劇照,佢哋喺劇中做一對過氣戀人,不過之後又再重燃愛火。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載