蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月22日

【短片】【教你點同BB講早晨】周嘉儀講許方輝:件事都發生咗…

建立時間 (HKT): 0422 06:00

最紅周嘉儀BB,變得好紅好紅,佢自己開嘅fb專頁,更新之勤力程度,令人幾乎以為呢個先至係佢正職。

轉型轉職嘅嘉儀BB,由大台新聞小花變身興業證券市場拓展部董事,專責市場推廣,sell嘢。當年(2013年)俾周刊踢爆佢同男主播拍檔兼有婦之夫許方輝「擦出火花」,傾政情傾到返女方香閨,傷盡全城fans嘅心。事過境遷,呢個圈,亦沒有永遠敵人。已經變身成功嘅嘉儀BB,仲破天荒接受該周刊專訪,更揚言不怨不憎:「我好明白各為其主。」

至於點睇番自己當年同許方輝嘅一段關係?好想知喎……嘉儀BB就好淡然咁話:「件事都發生咗,再回頭望又有乜嘢意思?不如向前望啦。」
前門後門全部都封晒……

周嘉儀話:「外界對我咁關注,係有少少shock,就算唔係喺娛樂圈,主播都算係半個公眾人物。我唔享受大家將目光放喺我身上,但事情如此發生,亦只可以接受現實。要過,總會過到。」

周嘉儀仲犀利到,今日一大朝早就將專訪貼上fb專頁大讚,仲話:「多謝大家錫我」,加兩個kisskissemoji,網民紛紛留言同佢講早晨,叫佢著多件衫,飲多啲水……嘉儀BB都盡量回覆。

唔主持《香港早晨》,原來仲多咗機會同嘉儀BB講早晨,lucky嗰日仲有回覆添!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載