蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月22日

【坐直升機】7年內坐正六點半新聞 周嘉儀:我唔覺自己特別靚

右下圖嘅周嘉儀,babyfat都幾可愛嘅…
建立時間 (HKT): 0422 06:00

不喜勿插。繼續都係周嘉儀BB嘅airtime。頭先講到話嘉儀BB接受周刊訪問時,回應兩年前同男拍檔兼有婦之夫許方輝撻著一事,之後又講下佢03年入無綫新聞部,係因為佢關心社會同有熱誠,希望可以帶出訊息從而改變社會,甚至改變社會不公。

當日無綫新聞部聯署,反對上層對「七警涉打人」報道上之立場態度及手法,周嘉儀亦是有份聯署的主播之。訪問中,周嘉儀被問及是否覺得無綫新聞立場親建制?佢就話:「咁多年嚟,我又未試過受到乜嘢壓力而影響判斷。作為最後一個把關人,我好相信傳到入我手嘅稿件或訊息,事先都一定經過各個團隊專業判斷,我相信佢哋已經盡量客觀持平。」

但周嘉儀亦承認,去年無綫新聞部遞信的人特別多,「入得去遞信,一定有全盤考慮,唔會單單建基於一兩件事,人人各有唔同考慮。」相當小心。

又講番話,嘉儀03年入無綫做記者,跑咗一年,轉職主播,2010年坐六點半新聞。一直有人傳,話大台想借美色救收視,亦有人話,周嘉儀升得好快,云云。對此,周嘉儀於訪問中話:「我冇坐過直升機。我03年入行,2010年坐六點半時段,中間隔咗7年,路係一步一步行出嚟,冇人突然扯我上去。」

周嘉儀續謂:「做主播,個個以為整靚個頭化靚個妝就得,事實上讀稿嘅流暢度、直播技巧全部都要鍛鍊。」佢又話:「我一直沒覺得自己特別靚,明知自己都欠缺演藝細胞,所以從未發過明星夢。」嘉儀BB講呢啲咁謙?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載