› 選擇地區
三藩市
紐約
洛杉磯
其他美國地區
香港 台灣 北美
 
2015年04月23日

【短片】【大婆發威】周太Heidi寸MandyLieu人不要臉 笑「少衫」面皮厚過狐狸皮

(資料圖片)(facebook截圖)
建立時間 (HKT): 0423 06:00

澳門賭業猛人周焯華(洗米華)嘅兩個女人,正印陳慧玲(Heidi)同第三者MandyLieu,有傳佢哋各懷「華種」7個月(新聞連結: http://bit.ly/1zPhRt7 )不過MandyLieu嗰個就似足「伸縮肚」,目前更完全唔見肚,反而周太Heidi現時籮咁大個肚。

噚日有報道指,Mandy同人夫洗米華喺3月嗰陣蜜遊法國,洗米華更肉緊狂啜Mandy,嚟個街頭法式濕吻,Mandy都好受落,報道更引來知情者講,Mandy冇心去爭啲咩,只係想同心愛嘅人一齊,仲有指Mandy唔想情郎難做,想肚裡嘅「華種」跟Mandy姓劉云云。

不過,今日大婆Heidi就喺facebook發功,未知係唔係睇咗Mandy嘅報道,留言:「今日睇到幾句說話幾得意:『樹不要皮,必死無疑。人不要臉,天下無敵。』哈哈!」Heidi更形容有人「既可笑又可悲」。

Heidi好友亦戥大婆唔抵留言鬧爆第三者Mandy,寫道:「昨天的當紅『少衫』,便正是無皮沒臉的樹也。」暗示係「小三」嘅諧音「少衫」,講緊邊個仲使問,Heidi回答:「所以現在胎教很重要啊,千萬別教出......」友人更回覆:「果啲叫厚面皮,仲要好厚嘅狐狸皮!」

有友人貼出白狐狸嘅相,寫指「為甚麼不去多謝父母親修了幾千年的福報才把你修成人形,好讓世人去喜歡你、愛你,而要汪費他們的用心,自露原形,去搶人家的東西,還要在裝,難道你的族群真如此嗎?為父母積福也為你的孩子積福吧!」

朋友亦貼出李蕙敏嘅一首《你沒有好結果》嚟寸Mandy,另一朋友就安慰Heidi寫道:「看誰笑到最後!保持美好心情迎接寶寶的誕生。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載