蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月25日

【短片】【識分身】《大時代》疊報紙仔 同場分飾炒股專家同出市經紀

三個都係同一人——游飆 《大時代》電視截圖
建立時間 (HKT): 0425 06:00

噚晚(應該係今日凌晨)一集《大時代》,松哥劉松仁飾演被丁蟹重創致腦部受傷嘅方進新、苦求報紙檔老闆(麥皓為飾)俾次機會唔好炒佢:「今日做得唔好,唔要(人工);聽日做得唔好,唔要;做得好,你至俾人工我!俾次機會老闆……」呢場戲,方進新身邊有個著白色汗衣嘅男仔,佢個名,叫游飈。就咁睇個名自是感陌生,但如果睇大台劇長大嘅,定必對這張面孔不感陌生。

游飈喺第五集飾演疊報紙仔,估唔到事隔廿年(劇中時間),游飆已經搖身一變,變成炒股專家,仲可以入聯交所指指點點,胸有成竹地謂睇好股價升至四千點,今日亦有眼利網民截圖,驚歎廿年人事幾番新,疊報紙有錢途。但原來同一場戲,係同一場,游飈又飾演出市代表,喺聯交所跑來跑去。唔通係孖生兄弟?

有網民另一個開心大發現…又係第五集、同游飈一齊疊報紙嗰位同事吳亞圓,20年後即變身警察,仲警告丁家四子唔好搞事。

疊報紙,真係有前途喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載