蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月06日

【短片】【又走一個】何傲兒離無綫:公司對將約滿的藝人確有情有義

建立時間 (HKT): 0506 06:00

青黃不接嘅大台,似乎又將少一個花旦,佢就係……傲兒BB喇,嗚嗚嗚嗚嗚…點解呀!

明明今日仲有周刊爆料,話傲兒BB同契爺林建名仍然keep住來往,就好似剛過去嘅星期日familyday,傲兒BB足踏三吋高跟鞋化行妝到馬場member'sonly嘅專用地方,撐契爺隻馬「精靈大少」出戰,傲兒BB個爸爸何世根都喺度。傲兒話自己行得正企得正唔怕人講,言談間仲唔小心咁洩露咗佢同西貢地王之子周子揚仍未斬纜0架。

有個富貴男友,又有契爺林建名照應,家姐何傲之亦一早已經唔同大台續約,傲兒BB完成最後呢個劇《波士早晨》之後,亦正式宣佈唔撈大台喇。

傲兒BB喺微博寫咗封信,仲貼埋佢喺劇中化身醜女嘅造型自拍照,寫道:「入行7年多,每一年頒獎禮都有好幾位獲獎的同事有機會演繹一段耳熟能詳的感謝詞,其實在我心中,都好希望有一天我都能夠站在台上去講這幾句說話。

「五月初是我在公司約滿的日子,在這段期間我的工作量一直沒有減退,劇組一直都配合我的約滿日期,公司對一個將約滿的藝人確實有情有義,始終今日我有機會講感受喇。

「首先多謝公司一直對我嘅支持及包容,多謝樂小姐,珍姐(曾勵珍)同埋Sandy(余詠珊)俾我好多嘅機會,更多謝今次《波士早晨》關永忠監製創造一個咁出位嘅角色俾我,同埋佢嘅悉心指導。多謝監製們導演們同埋公司所有台前幕後嘅同事,最後再一次多謝一直對我不離不棄嘅傳媒朋友,同埋我至親嘅經理人Amy媽!衷心感謝!」

換言之,傲兒BB依家已經唔係大台嘅人喇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載