蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月09日

【短片】【媽媽聲…】FAITH成員換血 儍豬Wave唔知自己被out!

Wave話佢自己都唔知「被暫停」。
建立時間 (HKT): 0509 06:00

聽日就係母親節,唔知大家會唔會記得上年嘅母親節,一個MKpop組合FAITH嘅一首歌,大唱「媽媽今天不必擔心我」嘅《MamaEasy》,不過噚日就發生咗一件事,就係FAITH成員有調動,但係連其中嘅成員都唔知會有調動喎。

是咁的,噚日FAITH就去咗一間學校出騒,台上有四個男仔,一個係隊長HiuYong,一個係Sky,仲有兩個就係新成員,咁原本嘅另一個成員Wave呢?噚晚Wave喺instagram話:「我完全不知道有今天的活動,公司的人或隊員也沒提過,甚至是加隊員我也不知道,如果不是粉絲跟我說,我根本甚麼都不知道。」呢段文苦水味真係好重,Wave喺一個不知情嘅情況之下,咁就畀人暫停咗佢嘅活動,真係好慘慘豬。

而今日FAITH嘅官方專頁就話:「由於在過去的八個月以來,Wave的跳舞工作十分繁忙,以令他沒有時間兼顧FAITH的練歌、排舞、表演、錄音等工作,令唱片的推出以及其他宣傳活動計劃一直被延誤,經過公司及經理人與其本人及監護人多次耐心溝通、苦心勸導之後,終於清楚明白其理想與意願,所以現在要以十分沈重的心情公佈-公司會先暫停Wave在組合FAITH當中的成員角色。

「雖然對公司來說是個極為巨大的損失,對Fans來說也是十分不捨,但我們相信這個決定是對雙方來說最好的,其餘的細節已經交由律師處理,能夠分享的暫時就只有這麼多了。感謝各界關注及垂詢,還請大家繼續支持以全新四人組合形式出現的FAITH!」

咁即係話Wave真係退出咗FAITH,但係公司就話同佢傾過,但Wave就話自己唔知情,咁到底件事係點呢,真係不得而知,剩係知Wave今日再喺IG貼咗張相,就係佢一個一去咗快餐店食雪糕,佢仲話:「不多作解釋『相信我的自然會相信我』。」咁大家會相信邊一個呢?又唔知今次媽媽仲需唔需要擔心呢?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載