› 選擇地區
三藩市
紐約
洛杉磯
其他美國地區
香港 台灣 北美
 
2015年05月27日

【短片】【洗米嫂回應喇】24字真言回敬Mandy:拿得走就拿去

洗米嫂24字真言「回敬」Mandy。
建立時間 (HKT): 0527 06:00

向太陳嵐為洗米嫂陳慧玲(Heidi)不值,直指MandyLieu喺呢個時候「夾新聞」,自爆喺英國搶閘生女,兼且有洗米華(周焯華)陪同在側,擺明想刺激快將開刀生B嘅洗米嫂。

向太又話:「有啲人行為心腸歹毒。無論你係咪生B都好,你選擇喺人家正室仲有幾日就生得,同傳媒夾新聞,擺明刺激人哋老婆,居心叵測。」向太又話擔心洗米嫂,勸佢唔好動氣,以免影響胎兒。

下午四時左右,一直沉默嘅洗米嫂,於fb貼出來自「歐罵馬粉絲團」嘅金句圖,金句如下:

「我從來就不愛
和別人爭東西
你喜歡就拿去
拿得走就拿去」

洗米嫂言下之意,似係暗寸Mandy,做咁多嘢又如何?「你喜歡就拿去,拿得走就拿去。」即係拿不走囉。有友人留言謂:「講得啱,只是世上永遠有好多小人喜歡跟人爭,有啲嘢就算放出嚟任人攞,啲小人都冇本事攞走啦,始終不屬於自己嘅嘢,到最後只好物歸原主。」洗米嫂即俾咗個like佢。

洗米嫂剛才亦接受本報電話訪問表示:「每一個人都只需要為自己的人生負責任和交代,至於我的家事,我們一家人自會處理,並無需要用作公開討論,謝謝!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載