蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年06月06日

【搶先劇透】《製作人們》第八集高雅拉登場金秀賢唔知揀邊個

建立時間 (HKT): 0606 06:00

由金秀賢、孔孝真、車太鉉同IU主演嘅KBS劇集《製作人們》今晚播出第八集,講到羅俊模(車太鉉飾)、白承燦(金秀賢飾)、卓藝珍(孔孝真飾)就同金宏舜(金鐘國飾)就一齊食飯,金宏舜仲話想介紹個男仔畀卓藝珍,白承燦聽到之後就好唔開心,仲好唔鐘意金宏舜。

白承燦放工見到卓藝珍,就問佢會唔會見金宏舜個朋友,仲間接說服卓藝珍唔好去見個個男仔,期間卓藝珍就話要還返之前撞車嘅錢畀白承燦,白承燦就趁機同卓藝珍講叫佢以後用電影飛、禮券等嚟代替錢,間接想同卓藝珍有二人世界。

之後白承燦就帶住《兩天一夜》嘅拍攝隊去到Cindy屋企拍攝,話要拍個「好朋友特輯」,仲請咗高雅拉特別演出,原本關係唔好嘅佢哋,就喺白承燦面前扮friend,高雅拉仲講明係為咗公司好先演出。

拍完之後,白承燦就留低話Cindy同高雅拉根本唔係好朋友,如果播出佢哋條特輯就好似呃人咁,就話Cindy每一刻都好似做緊戲咁,唔知Cindy嗰次喺公園同佢告白係唔係演技,間接拒絕Cindy,令Cindy好傷心。

之後白承燦就約咗卓藝珍睇戲,點知喺途中就收到Cindy電話,Cindy話有嘢同佢講,仲話會等佢,白承燦一心又想搵卓藝珍,但又好似唔放心Cindy咁,最後就停埋一邊唔知點算。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載