› 選擇地區
三藩市
紐約
洛杉磯
其他美國地區
香港 台灣 北美
 
2015年07月23日

【講推翻極權】《末日先鋒》題材敏感傳內地禁映

建立時間 (HKT): 0723 06:00

早前於香港上映時受不少fans歡迎嘅動作片《末日先鋒:戰甲飛車》(MadMax:FuryRoad),近日傳於內地過唔到審批上映唔到,令一班內地網友大為勞氣,於網上抱怨未能欣賞好電影。

有內地網友哈迷瘋子於微博話:「忍着未看等IMAX的可以不用等了,內地送審已被斃!」雖然有唔少傳言話《末日先鋒》太過血腥暴力同暴力過唔到審批,但呢套戲題材確係敏感、隨時會觸犯唔少內地禁忌。

《末日先鋒》內容講述查理絲泰朗飾演嘅女軍官,有日帶住一班女人逃離一個以水同石油操控社會嘅極權統治,波士對佢極為不滿,於是拉成班軍隊對付佢,想殺死佢搶番啲女人,查理絲就想帶佢哋逃到一個理想國度,但去到後發現理想國度已經消失咗、結果決定返轉頭搶番波士嘅領土,最後仲將波士殺死埋,聽到呢度,大家覺得呢個故事橋段於內地上唔上映到呢?

華納電影公司就透過宣傳公司,今日對《蘋果》記者表示,這齣電影不會在內地上映。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載