› 選擇地區
三藩市
紐約
洛杉磯
其他美國地區
香港 台灣 北美
 
2015年07月29日

【#收聲啦你】張敬軒世界級hashtag:清明時節啪啪啪

張敬軒ig圖
建立時間 (HKT): 0729 06:00

依家巧多藝人都鍾意玩ig,玩ig最kaixin嘅,莫過於落hashtag。而抽水王張敬軒,已達世界級level,無論抽人、抽自己,甚至,就連六合彩之子蔡國威都唔知係乜嘅「啪啪啪」,抽水軒都可以用其神級hashtag抽到盡。

以下列舉幾個軒仔完美示範,當中某啲字眼,粗中有細…

「回應」網民喺佢個ig落約炮友:
(keywords:#清明時節啪啪啪路上行人呀呀呀)
「hinscheung即是咁,我已經喺微博避你班友避到嚟呢度,諗住你哋咁棹忌外國勢力,都冇乜可能侵略埋呢度喇啩。點知你哋生得仲快過啲暗瘡,粒粒星嘅ig都係你班友,唔係扯皮條就賣流嘢。我po條拜山嘢,又要喺度麼麼噠啪啪啪,你因住我阿爺喺下低幾廿年悶悶哋,今晚打俾你揾你交友吖!#豈有你個此理#冥界啪啪啪#地府麼麼噠#清明時節陰陽約炮友#無論你身在何處#今鋪仲唔靈魂相認#清明時節啪啪啪路上行人呀呀呀」

點睇TreeGun寄語港人勿「食碗底,反碗面」:
(keywords:#喂吖#食碗飯反碗麵)
「hinscheung#喂吖#齊齊來造句我先!酒家最新推出嘅雞毛鴨蒜飯兩食,分別有:#食碗底反碗面以及#食碗飯反碗麵。#立法會真係好#仲多嘢學過教育電視#十個趣」

自己部iPhone跌爛咗:
(keywords:#啪啪啪#金翅曲街鳥#堅嬲炎)
「hinscheung話說尋日先講完風涼話。#我用咗挨瘋咁多年跌過咁多次都未爛過#宜家咪爛俾你睇囉#抵你死#喊出嚟#啪啪啪#跌落地嗰陣#咀已O#心諗#金翅曲街鳥#堅嬲炎#不如換三星#除非有人送過部」

「回應」蔣議員飲水思源:
(keywords:#收聲啦你#東江水已乾)
hinscheung今晚屋企煎焗雞中翼,我好感恩!好想多謝生呢幾隻雞嘅雞公同埋雞乸!仲有唔知喺世界邊忽嘅雞場老闆!#陣間食生菓記得跪謝李嘉誠先生#因為喺百佳買㗎#張軒你又講歪理#收聲啦你p.s.仲要多謝德國寶發明個煲#東江水已乾」

仲有頭先嗰個,擺自己上枱扮阿茂
(keywords:#好鐘意呢個鋪屎#男人最緊要條腰#真係睇見都覺得拋)
「hinscheung好鐘意呢個鋪屎#西營盤于晏又嚟#2015男士保健秘笈#男人嘅福音#專治香港腳個frd#香港腰#男人最緊要條腰#壯腰健腎抱膝低頭衣牙嘭哨唔好行埋嚟之原地翻騰柒周半湯馬斯盤旋轉體落地#隨時隨地都做得#我講緊呢個exercise#即刻見效#真係睇見都覺得拋#拋of腰#呢期換咗個泵#國產新牌子叫#已乾」


其實軒仔唔係只識落hashtag。寫文章,一樣令人動容。保全叔林保全離世,軒仔特地寫了一篇長文懷念,第一句就說:「你一直都係叮噹,而我依家至知我係大雄。」已令人鼻酸。
文章連結: http://bit.ly/1IqaCuJ

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載