蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年07月31日
馬上成為壹會員

【短片】【獨家專訪】盧冠廷最愛不是《一生所愛》 《陪著你走》喚醒沉睡妻

攝影:陳順禎
建立時間 (HKT): 0731 06:00

盧冠廷二十幾年沒有出碟,難怪他今日與太太唐書琛一齊接受訪問時,都笑謂,以為自己已經退出了音樂圈。

近日有唱片公司找他出了一張大碟,名為《BeyondImagination》,收錄10首舊歌,重新編曲演繹。但其實盧冠廷想出新歌,因為很多作品還沒有推出,可是他又覺得,22年沒有出碟,大概不會再有人找他出碟吧……

一談之下,唱片公司提議,不如先出一隻專輯,收錄舊歌,回味一下。當中還收錄了電影《西遊記大結局之仙履奇緣》的插曲《一生所愛》,網民廣傳洗版,猛謂「毛管戙」,句句歌詞都入心入肺云云。不過網民的留言,盧冠廷話同太太都無緣欣賞,皆因兩人都冇fb戶口,亦冇去討論區,就連「洗版」係乜,亦沒有概念。

盧冠廷謂,寫《一生所愛》之前,先聽導演劉鎮偉講咗個故仔,佢話:「佢話係講一段500年嘅感情冇得開花結果,我聽故仔時都毛管豎起。你知劉鎮偉講故仔幾叻。聽完當晚返到去,已經寫好。」

身邊嘅唐書琛,才女是也,《一生所愛》的詞,就是出自其手筆。她謂對於老公因為聽咗個故仔、第二朝就交到詞一事,感受都好深。

唐書琛憶及:「呢首歌紅冇人估到,可以話係『自燃』紅咗出嚟,唱片公司之後都話漏眼。啲詞我都係第二日就交稿,因為hit到我,所以咁快。既然500年愛情都冇結果,唔相信係緣份都唔得,可能係循環亦可能係因果,會諗點解五、六世都唔可以一齊。好多人都有同類感覺愛情、家庭或者際遇,始終唔成功嘅例子多,多人有共鳴。」

《一生所愛》紅了二十多年,更紅到內地,盧冠廷自言受歡迎程度超越了自己想像,更試過有來自內蒙、湖南嘅fans,喺西貢環保店門口等佢返嚟,只為一見。早年周星馳再用《西遊記》做題材拍咗套《西遊:降魔篇》,入面再用返《一》歌,盧冠廷話首歌嘅版權已經賣屬於唱片公司,唐書琛話記憶中,套戲拍之前,周星馳都有禮貌知會咗佢哋一聲。

問他,最喜歡同滿意的作品,是否就是《一生所愛》?不是,答案是:《陪着你走》。最經典嗎?他說,還未有。

「比較滿意係《陪着你走》。試過有位中年男士拖住10歲女嚟多謝我,話太太之前喺醫院昏迷,兩父女就一直唱呢首歌,最後太太醒番。」呢首歌嘅詞都係出自太太唐書琛手筆,她謂:「呢首係填得最快一首,聽完第二朝啲字衝出嚟,衝到一隻手寫唔切。」

撰文:何永寧 攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載