蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月08日

【短片】【怕咗廁所】自爆有「人群恐懼症」 Coffee:殘廁gathering係反面教材

(攝影:卓寶花)
建立時間 (HKT): 0808 06:00

噚日Coffee(林芊妤)喺灣仔出席一個男女約會中心嘅活動,佢就分享瑜伽同識男仔嘅經驗,Coffee一嚟就示範咗幾招瑜伽。

Coffee又指冇試過喺呢啲公司識男仔,但佢就知官恩娜嘅情緣都係喺呢間公司發生,而呢間公司都話搵個男仔畀Coffee配對下,食餐飯咁,但Coffee就講笑話:「唔知佢哋會唔會搵個鍾意廁所嘅畀我,但我唔啱,我對廁所有恐懼。」

喺訪問嘅時候,Coffee就話今日除咗係嚟分享瑜珈嘅經驗之外,仲分享一啲拍拖同對男仔嘅睇法,仲話會分享一啲貼士畀大家,問到有啲咩貼士,係唔係唔好去殘廁gathering,Coffee就只係笑笑口,之後佢就話:「要睇清楚對方係咩人,要熟絡咗先諗同唔同對方一齊,同埋我覺得0依家嘅女性唔好打扮得太惹火,有時佢哋以為低胸可以吸引人,但其實就唔係,着得輕便啲會好啲。」

Coffee又話殘廁gathering對佢嚟講,係一個反面教材,佢仲話會警惕自己唔好再犯呢個錯。講到Coffee依家嘅感情,佢就話係空白,但都有追求者,佢話:「日前先拒絕咗個朋友,其實男女最悲哀莫過於此,因為失去咗一份友誼,其實個男仔唔係唔好,只係我唔想拍拖住,所以我好直接叫佢唔好搵我。」

Coffee又指覺得傳媒好神通廣大,因為一同異性出街就會被人影到,搞到佢都有啲人群恐懼症:「就算食餐飯,有人用手機影我,我都會覺得驚同即刻走。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載