蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月09日

約滿港視要搵奶粉錢 關伊彤精靈B女拍廣告

關伊彤母女檔努力搵奶粉錢,細女Eleena仲好精靈配合工作。
建立時間 (HKT): 0809 06:00

港視藝人關伊彤同老公林紹奎(小巴)育有兩女,分別係3歲長女林醇欣(Marina)同6個月大嘅細女林綩凝(Eleena),關伊彤明知下個月就約滿港視,呢排未有工作安排,佢就秘撈拍吓廣告賺奶粉錢。

關伊彤仲孖住細女Eleena母女檔,接咗一個嬰兒沐浴露廣告,Eleena仲要鏡頭前出浴,呢個仲係Eleena首個廣告,遺傳咗爹哋媽咪演藝細胞嘅Eleena好識應付鏡頭,完全配合到幾時喊,幾時笑,所以拍攝嗰日,佢嘅部份好順利,3粒鐘就收工。

關伊彤都忍唔要讚囡囡叻豬,佢對《蘋果》話:「向來拍嘢最怕同BB同動物合作,比較難搞,但囡囡就好乖,拍佢笑就笑,後來拍攰扭咗少少計,咁啱導演都需要個喊鏡頭。」Eleena出浴,肉騰騰好可愛,關伊彤話:「囡囡好肉地,7.8Kg(約17磅)。」關伊彤話呢次母女檔出鏡係玩票性,佢話自己做呢行知道好辛苦,唔捨得拎兩個寶貝女出嚟拍嘢賺錢,佢話:「始終佢哋太細。」

港視嘅劇都就播完,未見再有新製作,仲有一個月合約嘅關伊彤都開始謀新出路:「公司未見有聲氣傾新約,我0依家有幫新城開咪,又接吓MCjob,最近又搞咗網店,乜嘢都試吓。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載