蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月28日

【扮旅客入北韓】《飄》定位紀錄片:避免成血腥政權宣傳工具

建立時間 (HKT): 0828 06:00

港視節目《飄》,關於北韓的篇幅共有三集。監製鄧婉媚接受本報電話訪問時透露,此行是用旅遊身份入去拍攝,沒有向官方申請,因為不想做官方喉舌。

《飄》拍於兩年前,籌備數月,拍攝逾半年,六人成行。無綫由北韓官方安排下進行拍攝,辯稱是「旅遊節目」,但同時又於節目介紹中指是「反映北韓最真實一面」;港視的《飄》,由始至終,都定位為「紀錄片」。

拍攝期間可遇上危險?鄧婉媚憶述:「入去唔係難,有旅行團去,中國邊境有旅行團入去,外國都有人去。有導遊盯住你,活動言行做嘅嘢都受控制監視。我哋盡量去一啲點、係脫北者講過嘅地方、同佢哋生活related嘅,同埋地鐵可以見到當地市民,一定要去;三八線去咗,太陽山前面嘅錦繡宮,擺咗金正日遺體,但只影外面,裡面唔可以影。」

鄧婉媚續道:「我哋冇搵藝員拍,自己做,定位為一部紀錄片,入北韓,拍到佢哋嘅生活、裡面嘅情況;起碼脫北者講嘢,我哋有影象去support。我哋想通過脫北者、真正嗰啲人,先講述北韓啲人係點,政府政策對人民係點,用正經態度去做。」

「無綫作為咁大間傳媒機構,有影響力,佢有權去播,但要避免成血腥政權嘅宣傳工具,唔應該成為殺人幫兇,要考慮人感受。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載