蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月30日

【短片】【曾贊助唔少】溥儀眼鏡太子女玩《小廚神2》被質疑唔公平

溥儀眼鏡過往贊助好多無綫節目,如今溥儀太子女(右二)參加無綫節目,有觀眾就質疑呢個比賽會否唔公平。(資料圖片)
建立時間 (HKT): 0830 06:00

溥儀眼鏡老闆邱子傑同李茂琪(Margaret)嘅囡囡Jessie,參加咗大台嘅《我係小廚神2》,但係因為溥儀眼鏡過往贊助很多無綫節目,關係密切,有觀眾就質疑呢個比賽會唔會對其他小朋友唔公平?

今日本報記者搵到邱李茂琪,佢回應道:「完全唔關事,我哋今年,舊年都冇sponsor佢哋嘅節目,最後應該係13年。個女參加呢個節目係工人攞form,assistant帶佢去參加比賽錄影,有頭到尾我哋冇帶過個女參加,我哋又唔識得班幕後,自己又唔係咩人。個比賽有成100幾個人參加輪選,呢個係小朋友節目,佢哋好努力,同個節目性質好健康,阿女仲識咗好多朋友仔,佢哋好friend互相幫手,當攞人生經驗。」

Margaret仲話自己唔想俾壓力個女,一次都無去過錄影現場,佢文:「淨係試過一次個女差點foul,係架車等佢,我從來冇現身過係拍攝現場。」

雖然Margaret就話13年之後都冇贊助大台,不過記者就發現,今年嘅奧斯卡直播就係由溥儀眼鏡贊助。另外,Margaret就話幕後唔識得佢,但係幕前嘅李克勤就認得佢個囡囡喇,因為早前李克勤就喺微博貼咗張《我係小廚神2》嘅相,仲話:「好友Jeffery的可愛女兒Jessie(亦是Ryan和Rex好友)參加《我係小廚神2》順利進級!祝繼續過關斬將,殺入決賽,奪冠而回!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載