蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月31日

【短片】【出爐冠軍人緣差?】麥明詩求眼神接觸季軍郭嘉文擰歪面

塊面擰得幾快。
建立時間 (HKT): 0831 06:00

噚晚港姐賽果塵埃落定,23歲十優狀元、兼劍劍劍劍橋法律系畢業嘅麥明詩,以大熱姿態連奪最上鏡小姐同冠軍,成為雙料港姐,十優港姐有智慧又有樣貌,雖然身材就….睇麥明詩就好好條件咁,但係佢嘅人緣就好似唔係咁好喇。

噚晚當麥明詩成為咗冠軍,繞場一周之後,其他佳麗、主持都會上前恭喜三甲嘅港姐,但係埋去恭喜麥明詩嘅人,就只係得Do姐鄭裕玲同曾志偉兩個,其他佳麗就只係去咗恭喜亞軍龐卓欣同季軍郭嘉文,可能大家會話其他佳麗只唔方便行埋去恭喜,而唔係佢人緣唔好,不過再睇真啲又會發現另一件事。

就係當Do姐恭喜完麥明詩時,麥明詩立即望向佢嘅左邊,即係季軍郭嘉文嗰個方向,鏡頭就好清楚可以見到,郭嘉文同麥明詩嘅視線對上之後,郭嘉文就即刻擰歪面避開麥明詩嘅視線,繼續同其他佳麗傾偈。不過麥明詩未有放棄,再打算向亞軍龐卓欣埋手,但結果一樣冇乜人理,可憐嘅麥明詩唯有繼續保持微笑,四圍望咁。好彩無綫cameraman即時嚟個sharpcut。當然呢啲事好可能只係巧合,但都可以係人緣唔好所引起,真相係點?真係得一班港姐先知喇。

另外港姐噚晚平均收視27點,約175萬觀眾收看,而宣布結果同頒獎時段則獲最高收視31點,換句話講有200萬觀眾睇到麥明詩被杯葛一刻。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載