蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月06日

【短片】【仲有幾多人?】朱慧珊都離開亞視《開門見珊》變「意興闌珊」

《開門見珊》冇咗個珊,咁使唔使改節目名?(資料圖片)
建立時間 (HKT): 0906 06:00

亞視問題天天都多,雖然今年6月亞視宣佈有新投資者同原有股東簽署買賣合約,但事隔2個幾月,亞視唔單止到而家都未公佈新買家身份,而且班員工上個月份糧重未出到,員工士氣當然低落。

本報收到可靠消息,原來亞視一姐朱慧珊都做到意興闌珊好無癮,今個月約滿亞視之後決定唔續約離開亞視,而原本亞視為阿珊度身訂造、講民生時事同社會熱話嘅新節目《開門見珊》,會交由另外兩位主持蔡國威同楊正軍孭飛。

阿珊其實一直好撐亞視,今次佢之所以決定離開,除咗因為好多舊同事一個個離職之外,重傳聞同個新節目《開門見珊》有關。阿珊其實好中意《開門見珊》呢個節目題材同構思,點知新投資者唔單止唔肯投放資金,而且又將節目播出日期改完又改,甚至有員工開咗兩日工之後被叫停,話上頭要等埋其他新節目一次過好有氣勢咁推出。結果等吓等吓,呢個節目搞手亦即係王祖藍舅父冼偉智辭職唔做,呢個節目嘅總監葉成昌同幾個節目骨幹又跟住遞信唔撈,令到阿珊都相當無癮,決定離開亞視。

噚晚記者打電話向阿珊求證,佢透過WhatsApp承認話:「我和亞視的合約這個月就完結。可以講現在已經是自由身了。」講到佢孭飛嘅《開門見珊》重未開到門佢就走人,阿珊話:「無辦法啦,時間配合唔到。」連你都走埋,亞視咪冇晒人?阿珊話:「其實新老板和管理層都同我談過,希望我可以留下兼做幕後的工作。但我這段時間想休息一下,暫時不想做任何工作。這是我個人的決定,與亞視無關。我十分感謝新的投資者司老板(司榮彬),因為他提出希望我能出任一個管理層的職務,雖然暫時未能合作,但對於他的邀請,是很感謝。」估唔到《開門見珊》最終變成「意興闌珊」!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載