蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月11日

【超盈獨家專訪7】買畫投資兼興趣 收藏過千萬吳冠中畫作

超盈幫阿媽同保利香港合作去澳門開拍賣所,造就佢去世界各地買名畫。 (攝影:葉君海)
建立時間 (HKT): 0911 06:00

超盈除搞酒店業務,仲搞緊關於藝術界別嘅項目,就係同拍賣所保利香港合作成立澳門公司,忙緊出年1月首次喺澳門嘅拍賣會:「之前佢哋喺香港已經搞過拍賣會,學咗要籌備拍賣會嘅過程,由拍賣嗰時聽電話、出catalogue,揀邊件油畫、學睇珠寶首飾。」

其實超盈喺英國讀高中讀finearts,閒時畫油畫,接觸拍賣同酒店發展後,更開始幫媽咪收藏畫作藝術品。超盈近年就熱捧內地畫家,當中有已故畫壇大師級吳冠中,到當代嘅歐陽春、袁遠等:「大學畢業後開始收藏畫,幾百、幾千都會買,嗰時會喺英國行market買本地藝術家,0依家我會喺拍賣所、亦會喺世界各地gallery,甚至展覽會都會買。主要分兩大類買,會買啲有升值潛力作投資,亦會買自己鍾意嘅題材,好似有童真嘅畫,我會買嚟粉飾間房,睇上嚟好開心。」

超盈帶咗幾幅今年喺拍賣所買入嘅畫作畀《蘋果》拍攝,當中有一幅大師級吳冠中嘅《長江三峽》,更係以1,180萬成交:「自己唔會特定有最鍾意畫家,揀藝術品講感覺,藝術家每個時間作品都會有變化,可以考驗自己眼光,如果投資嚟講,有啲當代畫家我都覺得有升值潛力,不常通常都有等2、3年。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載