蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月17日

「古美門怒審朱警司」幕後班底曝光:香港人唔抵幫

「覺醒配音組」班底
建立時間 (HKT): 0917 06:00

「覺醒配音組」新作《古美門怒審朱警司》噚晚貼咗上fb,同上次《古美門睇到「有票,真係唔要?」之後》一樣,好評如潮,字字鏗鏘hit中香港現實,當中一句古美門:「其實真正嘅惡魔,正正就係無限澎漲嘅警權」,更是一語道破港人心聲。

「覺醒配音組」其實由香港一眾自由身配音員組成,位位專業。成員約有八九人,今次操刀撰寫此二次創作劇本的,是行內著名配音師郭立文,92年林保全離開無綫,郭立文曾接棒聲演叮噹,最近為港視配音聲演多部卡通。至於在片中聲演「古美門」的Alex,亦有為前港視配音員,所以大家欣賞條片嗰陣,都會覺得啲聲好熟悉,係因為佢哋係以自由身,為多家電視台劇集及卡通配音。

今次《古美門怒審朱警司》,顧名思義,故事說的正是佔領期間,前警司朱經緯被投訴於旺角以警棍毆打市民一事。為了開脫,警方扭盡六壬,甚至指朱經緯執勤時需要適當武力無特定目標,不涉刑事,令人嘩然。最後警監會以大比數通過有關指控證明屬實,現在正等完又等等完再等完成「既定程序」待結果公佈,是以這一場「古美門怒審朱警司」,可能會唔知幾多年之後先至發生。古美門連環爆seed又如何?要扮瞓的繼續扮瞓,人家只當你在FF。

Alex接受《蘋果》電話訪問時,直言今次係第二度聲演「古美門」諷刺時弊,可擔心因為咁而受壓影響飯碗?Alex說:「如果擔心有壓力就唔做啦。」

「好多年前已經覺得要為依家個社會發聲,其實呢幾年係喺度嗌……我幾年前都係覺得呢啲嘢(政治)唉呀好麻煩呀……我因為某一件事……香港電視發牌事件,先發現,哦,原來我唔理嘅嘢,佢都係會搞我。直至發牌事件之後嘅事件,如果我有時間,我都會參與。但係越參加,就越發覺好多香港人係唔抵幫嘅。」

何解?Alex解釋:「以前覺得……咁多人發聲,知道咗,開始深究呢樣嘢之後,先發現原來反對發聲嘅人,係多過發聲嘅人,好無奈,仲要話我哋唔啱……。」過程例子Alex沒有細說,或者留待第三條「古美門」二次創作新片了。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載