蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月18日

【FFFFFFFFx神曲】幕後黑手曝光:我已經過百個問候╮(╯▽╰)╭

36,644
最後更新: 0918 21:18 / 建立時間 (HKT): 0918 14:20

「成日話香港樂壇已死,其實你都有出一分力0架!到底係音樂人令到佢死吖?定係歌手令到佢死吖?還是聽眾令到佢死呢?大家知道嗎?你們慚愧嗎?」

講得好似好有道理,又好似講咗等如冇講咁。有冇乜嘢suggestions?定係只得批評only?

語出自本地樂隊Redholic團長兼結他手段深瀚(D.T.),噚日佢突然喺fb貼咗個po,「承認責任」謂:「實驗非常成功!各位,FFx首《Sugar Baby》係我編監錄嘅,大家睇下幾多人分享。而好多用最大心機同間去錄製嘅MV作品就冇人去聽,無人問津,香港就係存在著一個咁扭曲嘅音樂文化。」但呢個po,依家已經唔見咗,未知是刪定fb natural hide。

「香港樂壇已死」此命題,講咗好多年。就好似教育一樣,要提升港人音樂品味,係需要時間。如果你以為D.T.真係講緊一個鬱鬱不得嘅葡萄實驗,D.T.想帶出的,是一個受騙的故事!

冇錯,《Sugar Baby》係由呢隊 band作曲填詞(主音紫晴出手),及編曲(D.T.操刀),但出到嚟俾人鬧到七彩,矛頭直插佢哋不知所謂。爆seed嘅,先係作詞嘅紫晴,佢喺MV出街後,已於fb寫道:「我不斷被問及關於這隊『香港跳唱組合FFx』首歌《Sugar baby》係咪真係我Selina寫嘅,我喺度同大家回應!係!堅係我,無花無假!」承認責任?

未完,紫晴繼續:「好唔好聽見仁見智啦,個MV就真係印象深刻,睇到大家好高興,一路『妖』又一路睇,香港就係一個咁奇怪嘅市場,有人知好過無人知,天堂鳥,faith都係咁樣做,我哋Redholic真係要加油先得,隻「女王萬歲」po咗半年都唔夠人哋一日點擊!!!唉……」

呢段留言一出,本地音樂人紛紛留言,隊友兼編曲嘅D.T.回應歎道:「我已經過百個問候╮(╯▽╰)╭」有人就留言謂:「一定唔係DT mixing,我聽過你啲嘢都唔係咁,你個kick邊只咁細力,支持女皇萬歲。」紫晴即覆:「謝謝啊!真好,有人聽到。」

咁究竟發生乜嘢事?D.T.就寫道:「我都O晒嘴!首先個Mixing唔喺咁,無啦啦又走左個混音師出嚟,我聽到都R晒頭。anyway 有咁多前車可鑑,我明白想行乜嘢嘅……」

喺D.T.另一個fb post,友人tag佢謂估唔到《Sugar Baby》竟是出自其手筆,D.T.回佢:「得閒聽下Redholic,包你抹走一切疑惑,仲有原本個mixing唔喺咁,無啦啦唔知邊個加啲Beat beat beat.又左Tune右Tune就……wow ╮(╯▽╰)╭」

即係話,首歌被改頭換面,係咪?

(有聽過Redholic可以入一入嚟)一首別人的歌,搞到自己英名盡喪俾人笑到面黃,D.T.仲自我安慰道:「人總要有遺憾才能成長嘅正呀喂!我開心到噴水。」

不過咁,都有人安慰佢哋:「台灣好多犀利ge音樂人都幫唔少人作曲編曲,d人咪一樣唱到X晒。」、「一首歌俾唔同人唱就有唔同效果,呢條MV多人點擊係因為睇佢哋有幾X,而唔係欣賞首歌而去點擊。呢啲點擊率唔洗恨,等同係旺角裸跑一分鐘,點擊率都可以好高。」

得閒可以聽下:《女王萬歲》Redholic
http://bit.ly/1QlRxj3

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載