蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年09月23日

【短片】港星潮玩台灣人氣app「17」用家放性愛片惹爭議

建立時間 (HKT): 0923 06:00

呢期又社交網絡又有新嘢玩——個名叫做17,有啲似Instagram,可以share相、片,可以用濾鏡編輯。註冊完之後,就開始search朋友吧,可以like同follow。較特別嘅係仲可以玩直播——依家fbset咗只有名人明星先可以玩直播,17就唔使,而且佢同fb一樣,可以喺直播期間chitchat,加入咗去玩嘅,名單水蛇春咁長,包括容祖兒、官恩娜、薛凱琪、鄭希怡、周秀娜、松岡李那、丁子高、糖妹、衛詩雅、李蘊、姚子羚、張名雅、唐貝詩、唐貝欣、莊思明、莊思敏、何佩瑜(Jeana)、張繼聰、張致恒、少爺占、石詠莉、張建聲、袁紫僑(CoCo)、鄧穎芝、許穎、洪卓立、湯怡……等等等等(不斷新增)。

17同ig另一樣唔同嘅嘢,就係多咗樣嘢叫「今日收潤」,當你喺17建立粉絲群,傳照片、進行直播,就可以獲得分潤。當越多like同followers,分潤就會越快。

呢個app由台灣藝人黃立成投資開發,分潤玩法就係當你累積到3,000元新台幣時,就會喺下個月收到權利金分潤匯款。粉絲群越多,你分到嘅錢就越多。但實際操作係點?錢從邊度嚟?廣告收益定點?而且,只要你按一下張圖/片,就彈出一個「心心」,「like」就會+1。咁如果有一個人,喪撳一千萬次,咁佢咪發達?

分潤方法係點,要等賺到錢嘅人分享先至知,但呢個「分潤」方式就為人垢病,試過有人為咗賺多啲,阿哥直播妹妹沖涼畫面,女網民直播自己吸毒過程,仲有人直播打手槍……甚至連啪啪啪都可以live。

有新嘢玩,藝人自然拿拿聲玩。其實呢個app由6月5日上架,至今號稱有超過50萬名會員,但因為太多用家利用直播播埋晒啲犯法行為,備受批評,故黃立成亦急急發聲明,表示第一時間已經刪除違法用戶資格,仲話會嚴密把關。

17除咗需要嚴格把關之外,個app喺搜尋朋友方面似乎唔係好work,有用家投訴係咁斷線、食電、直播人數去到5、60000嗰陣就hang,亦有人投訴開咗一次之後入唔番,或者followers明明有幾百個,但loop來loop去都係嗰十幾個,技術問題多多。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載