蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月02日

【老公說服復出】海邊紅衣跳舞姚安娜自資6位數拍MV

建立時間 (HKT): 1002 06:00

姚安娜復出歌壇,以另類歌手打入市場,「心靈女王」就係佢最新嘅旗號,今次復出原來係有一段故,喺20年前,姚安娜仲係上華唱片合約歌手嗰時,唱片公司棒打駌鴦,唔俾佢同依家個老公拍拖,但係佢死都唔肯分手,咁就畀人雪藏,直至完約,之後就無機會再唱歌出碟,姚安娜索性嫁人生仔,依家個女Celeste已經16歲,囝囝James就5歲,直至最近佢老公再鼓勵佢叫佢復出,今日姚安娜接受本報電話訪問話:「咁多年可能佢覺得欠咗我,搞到我無得做歌手,依家變咗師奶,仔女又大個,佢成日喺度咿咿哦哦叫我再試下囉!」

「心靈女王」踩入樂壇,聽講使咗接近百萬,拍咗個新MV《末世考驗KaDaWa》噚晚放咗喺youtube播試下水溫,姚安娜話:「出番來唱歌,事前做好多準備功夫,要搬屋,買車,出資拍6位數拍MV,個MV真係玩大咗,搵航拍一日都幾萬。」

講到個新MV,真係好鬼破格,航拍一個紅頭紅衣姚安娜係山入面跳舞,真係幾鬼嚇人,仲有另一個造型頭頂有幾枝雞毛,成個火雲邪神咁,真係好搞笑,姚安娜親自解讀個MV:「呢首歌係我教結他嘅細佬幫我寫,好有姚安娜嘅感覺,我覺得如果一個MV成功係觀眾可以睇到唔同感覺,get到唔同訊息同意思,全身紅色你可以話我代表憤怒,對呢個社會嘅控訴,另一個造型係祭師,我想大家睇咗可以吸收到正面訊息和能量。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載