蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月12日

【短片】【卡拉之星都走】效力無綫逾廿年王維德離巢:心灰意冷

王維德最開心及滿足,係喺東華籌款騷卡拉之星演出。
建立時間 (HKT): 1012 06:00

效力大台超過二十年,由後生仔撈到0依家嘅王維德,原來最近正式跟大台結束賓主關係,轉簽一間製作公司,明年初會舉行演唱會,稍後仲會接電影。

今日王維德去新城接受訪問,佢坦言舊公司嘅發展空間唔多,可能每年有份試鏡或演出都係得兩套劇左右,佢話:「其實喺公司有戲拍已經好開心,但發展機會唔大,不如出去外面試下,或者將來有機會再返嚟。」

王維德係東華卡拉之星台柱,大家仲記得佢表演手語歌,呢個亦都係觀眾每年追睇東華嘅動力(仲有王俊棠、魯振順,仲有家燕姐嘅「十字步」),而嗰幾分鐘演出,亦都係王維德每年最有滿足感同開心時候,而舊年薛家燕同王祖藍搵佢演扮嘢節目,都係近年最開心階段。

眼見唔少新人機會比自己多,而本身能力又唔係勝任不到卻冇機會,佢話:「有時都反省自己,我演戲、外形同條件,有啲角色要做手語,公司都係叫我幫手,但係嗰個年齡層係啱我,都會有唔開心。」

佢亦承認做到有心灰意冷同懷才不遇感覺,原來佢早前曾經去過馬來西亞發展,拍過一、兩套劇,當時反應好好,當地製作單位有意簽佢,不過佢又唔忿氣,想返嚟大台再闖,到今日佢決定要走出去,嘗試下自己能力。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載