蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月19日

【短片】【同班同學】郭奕芯全裸攬王宗堯又入圍外國影展

建立時間 (HKT): 1019 06:00

由彭浩翔監製、《春嬌與志明》編劇陸以心處女執導、郭奕芯、廖子妤、麥芷誼、王宗堯同陳靜主演嘅《同班同學》排喺下周四上映,呢部戲之前已公布入咗東京國際電影節同金馬影展角逐獎項,今日又宣布喺瑞典斯德哥爾摩國際電影節主競賽單元爭奪最高殊榮銅馬獎,對上兩部入圍銅馬獎嘅港片已經要數到96年王家衛導演嘅《重慶森林》同08年黃秋生主演、余力為導演嘅《蕩寇》,另外《同》片又入咗波蘭華沙五味電影節。

今日彭浩翔知道部戲又入咗兩個歐洲影展,當然好開心,佢話:「陸以心第一次做導演,部戲都未喺香港上就可以得到咁多國際影展認可,真係好難得。講真部戲係得好有青春氣息。過兩日我會同佢帶領郭奕芯、廖子妤、麥芷誼去日本參加東京國際電影節行綠地氈,希望到時會有好消息帶返嚟啦!」

呢部以3位女學生迎向十八歲嘅仲夏,為錢同一時意氣去援交,又因爭仔,初次體會單純友誼中嘅黑暗同背叛,不過最後佢哋打破反面嘅宿命,重新走返埋一齊。電影公司今日仲發咗3女著住性感內衣同冲涼照片,3女都演得幾放。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載