蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月22日

【短片】【瘋傳】IU挑機「B餐」唱囍帖街Wyman激讚

IU噚晚喺個唱上唱《囍帖街》,被網民激讚。
建立時間 (HKT): 1022 06:00

曾演出韓劇《製作人們》的韓國女歌手IU噚晚喺香港開騷,吸引大批港迷到場力撐。IU早前突然宣佈「名花有主」,傷透一眾港男心靈,不過佢噚晚就好識做,特登準備咗首廣東歌嚟冧大家,仲要係唱「B餐」人妻謝安琪嘅《囍帖街》,令大家都好意外。

當音樂前奏響起時,台下粉絲已經開始尖叫,當IU一開口唱第一句時,台下粉絲更即時被嚇窒。IU嘅廣東話發音準到接近香港人水平之餘,佢仲要唱到勁有感情,令台下粉絲都忍吾住變起尖叫聲,靜靜咁聽佢唱歌,直到中間停頓位同唱完先尖叫歡呼。IU唱完之後亦鬆一口氣,聽到粉絲為佢歡呼時仲儍笑,又不停用手撥涼,似乎好緊張下喎。而據知IU話因為首歌歌詞好靚,背後故事好感動所以揀咗呢首歌。

而IU唱《囍帖街》嘅短片仲即時被網友瘋傳,條片喺噚晚公開至今已經錄得超過8萬點擊,認真厲害,網友亦紛紛激讚IU嘅唱功同廣東話能力,留言話:「肯為歌迷苦練,呢個世界真係好少有。」就連《囍帖街》作詞人黃偉文(Wyman)都喺Instagram激讚,連貼兩個po,第一個po係:「據說她選唱的原因是因為很喜歡這首歌的歌詞,感謝IU的用心和品味。WishIwerethere!」

接著Wyman又貼多一條片,寫道:「再來一段。本來以為她只唱幾句,後來朋友發我完整版⋯⋯當然明白要背誦陌生語言的發音有多難,IU還偏偏選了首歌詞又多又密的(而且竟然沒有提詞器)⋯⋯現在還有多少人為歌迷開心三分鐘而下這種苦功?真的被感動到,謝謝。(片段朋友發我的,如有版權問題,請告訴我,馬上拿下)」

《囍帖街》負責作曲、編曲和監製嘅EricKowk,也在ig貼圖,寫道:'Neverthoughtthe#IUIfirstsawinDreamHighwouldendupsingingmymelodyoneday.I'mjustblownawaybyherhardworkhere.WhatcanIsay,angelface+angelvoice+hardwork=success.I'mtrulytouched,salutedlwlrma'

IU今次真係威威豬!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載