蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月22日
馬上成為壹會員

【撞咗樣】老闆朋友認錯霍汶希做趙薇:瘦咗咁多,靚咗喎

建立時間 (HKT): 1022 06:00

趙薇竟然同英皇經理人霍汶希(Mani)撞面!今日Mani喺微博po兩人面貼面合照,仲晒埋趙薇自家酒莊出品嘅紅酒,留言大讚:「好酒」,趙薇搞鬼回應:「姐妹花!常常有人看到Mani會驚呼:『趙薇你瘦好多啊!變漂亮了!』有一次還悲哀的被我聽到了。」Mani回覆:「哇哈哈,你太客氣了!」網友都覺得兩人似樣,留言:「趙薇,永遠的女神。你也是,最美經理人。」仲笑佢哋係酒鬼。

Mani接受《蘋果》電話訪問,佢話前晚喺北京出席趙薇試酒晚宴,同場仲有田亮、佟大為,對於趙薇自認同佢似樣,Mani笑笑口話:「好多年前嚟北京,已經好多人認錯我係趙薇,有時出街,北京啲人都問我係咪趙薇?其實好多人都話我似,所以上次拍第一輯《十二道鋒味》,我已經同佢講呢個笑話啦。有次喺北京我哋同楊生(楊受成)飲嘢,楊生嘅朋友好好笑走埋嚟話:『趙薇,你瘦咗咁多嘅,靚咗喎。』趙薇坐喺隔籬聽到,佢覺得好好笑,我都覺得好好笑。」

為免趙薇介懷,Man仲話:「嗰段時間我瘦過佢,嗰段時間佢比較肥,不過o依家好瘦好靚。我好鍾意趙薇,覺得佢個樣好親切,我同佢喺性格上都好似,我都以似佢為榮。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載