蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月23日

港視編審回朝 彭公被退休親信不忿削權即劈炮

處境劇反映生活(《愛‧回家》就過於離地…)亦不啻辦公室權力鬥爭殘酷一面…
建立時間 (HKT): 1023 06:00

人稱「彭公」嘅無綫節目發展分部總監彭濟材,上星期五被「提早退休」,佢原有職務由助理總經理兼余詠珊戰友杜之克兼任。傳聞大台因為節目收視唔掂,於是搵統領戲劇同非戲劇創作、喺大台做咗32年嘅彭公嚟「祭旗」。

權鬥已揭開戰幔,欲罷不能。原來,無綫近日已經急召之前過咗去港視嘅編審:劉彩雲同朱鏡祺回巢,其中劉彩雲因為有其他工作在身,所以暫時返無綫做住兼職先。

據知無綫為咗搞番好啲劇本創作,近日由杜之克吹雞成立咗個七人小組,成員除咗杜之克之外,仲有朱鏡祺、劉彩雲同幾位幕後創作人。

離奇的是,睇晒劇集製作嘅戲劇製作總監曾勵珍,以及彭公左右手、負責睇晒劇集創作嘅邵麗瓊,兩個竟然係冇份參與。

據聞彭公走咗之後,邵麗瓊即刻被削權,上頭叫佢以後只係負責睇處境劇創作,搞到邵麗瓊上星期六即刻遞信辭職。

邵麗瓊比彭公更早入無綫,但多次離巢再回巢,精采作品無數。邵於1978年入職任編劇,作品包括《相見好》及《歡樂今宵》。1982年加入香港電台電視部,擔任綜合性節目編審,同年重返無綫電視。86年晉升為助理創作主任,編審作品包括《男兒本色》、《鬥氣一族》及《他來自江湖》等。及後再次重返無綫,出任節目發展部助理創作經理,後更位至發展分部助理總監。《愛·回家》亦是出自其手筆。

負責處境劇嘅「大腦」,走下一個走下又一個,遇拍攝《真情》、《十月初五的月光》、《皆大歡喜》嘅徐遇安拍完處境劇《愛·回家》後亦已退休,同無綫結束40年與無線之賓主關係,如今邵麗瓊亦劈炮,會否另有一番新氣象?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載