蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月26日

【短片】【打到不舉呀....雙手】青雲新片演「茅躉華」「哈雷」古天樂要打爛仔交

建立時間 (HKT): 1026 06:00
攝影:陳俊強

由古天樂、劉青雲主演嘅電影《神行太保2016》,今日喺北潭涌基督教得生團契戒毒中心開鏡拍攝,同場有莊思敏、盧海鵬及朱鑑然。

《神》片以七、八十年代慈雲山十三太保為背景,青雲飾演茅躉華陳慎之,而古天樂飾演哈雷,青雲話佢只有少部份刀光劍影演出,故事集中講佢戒毒後,如何協助其他黑幫份子重過新生,以及解決更生後面對嘅問題,主要並非講黑幫。

青雲話:「透過部戲我了解咗好多毒品嘅嘢,好開心安排咗個牧師指導,個牧師29歲先至讀小學,佢o依家係神學博士,教導好多人。」飾演哈雷嘅古天樂,個角色主要喺七十年代活躍於九龍城,維持區內毒品銷售平衡,古仔話:「青雲唔使打,我拍5日打3日,打到腰酸骨痛,因為係爛仔交,都係亂打,雖然墊晒pad,打完兩隻手有兩日舉唔起,可能拉親啲根,睇完醫生至好啲。」

而莊思敏就飾演古仔老婆,但未嘗任何親近古仔甜頭嘅佢,大呻被騙,莊思敏呻話:「我知道可以做古仔女朋友,我話可以收平啲,但係原來俾人呃咗!我同古仔連拖手都冇,我嘅角色有少少辣,淨喺有得睇。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載