› 選擇地區
三藩市
紐約
洛杉磯
其他美國地區
香港 台灣 北美
 
2015年11月05日

【好似全世界得佢有男友】葉璇喪晒幸福惹反感網民:真可怕

(微博圖片)
建立時間 (HKT): 1105 06:00

正所謂物極必反,晒第一次,可能大家會戥佢幸福,晒第二次,可能仲會接受,不過,喪晒幸福呢家嘢真係長晒會嘔㗎!

葉璇自從今年6月喺微博公開同男友小默先生嘅戀情,即不時高調晒愛,呢次戀情仲係葉璇入行廿年嚟,首次公開承認嘅戀情,睇嚟佢今次係嚟真!未知係唔係葉璇成日喺微博貼同男友嘅合照,唔少網民都唔係太鍾意,有網民寫道:「被愛情衝昏頭腦的女人真可怕,還是當年那個帥氣敢愛敢恨的海棠。」亦有網民稱:「有病,好像全世界就她有男朋友似的。」

對於,葉璇早前因為小默先生嘅前女友疑喺微博放料,爆小默先生一腳踏多船,葉璇多次為男友小默先生挺身而出,數臭小默先生前女友,連發多篇文章力證男友清白,惹來內地網民反感!

有網民即反問:「真覺得人前女友根本沒怎麼樣,就看到葉璇在那自導自演。張馨予這種極品前女友,范冰冰都沒說過一句張的壞話好吧,這才是一個人的修養。」早前張馨予力數范冰冰男友李晨,不過,冰冰從來冇公開講過張馨予。

其實葉璇之前接受內地傳媒訪問,已經講過自己嘅愛情觀,認為自己同男朋友嘅戀情係一件散播正能量嘅事,呢種真愛嘅感覺。第二,男友被污蔑,自己會站出嚟講,係因為正義,甚至同愛情無關,又講到自己雖然每一次戀愛都會百分之百投入、信任對方,但佢依然愛得很理智,幫理不幫親!

葉璇當時喺報道中,更揚言識佢嘅朋友都知道,佢從來唔會因為對方係家人、朋友就偏袒對方,如果佢哋有一日犯咗法,佢都會企出嚟指證對方。嘩!對人真係好大公無私呀!!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載