蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月07日

【外星劇毒】吳彥祖X馮德倫進軍美劇《荒原》港式武術打到癲

建立時間 (HKT): 1107 06:00

近年香港好睇嘅劇集買少見少,反觀美劇正進入黃金年代,美國電視台AMC睇中香港武術片,搵咗吳彥祖(Daniel)及馮德倫(Stephen)聯手炮製新派型格武術美劇《荒原》(IntotheBadlands)。Daniel作為首名於美劇擔正做主角嘅香港人,於劇中扮演勇猛戰士以寡敵眾,集集都打到癲!

由Daniel、聯同Stephen一齊擔任監製和動作導演嘅新派型格武術美劇《荒原》,係美國電視台AMC繼《行屍》(TheWalkingDead)後力谷嘅新作,靈感源自中國古典文學名著《西遊記》,以充滿未來感嘅型格武術為賣點,更特別請來著名武指谷軒昭擔任監製及武術編排,將真功夫打入美國電視圈。每集Daniel都起碼有兩場大型打鬥戲份,次次亦以一敵十,動作場面拍得唯美。

《荒原》並非只得個「打」字,劇情方面好幾特別。故事設定於喺距今多個世紀嘅未來世界,喺接二連三嘅天災及人禍下,出現一個只有終極殘暴強者才能擁有權勢和財富嘅新社會。呢個個稱為Badlands嘅地域,由七名郡主分裂割據,操控一切資源,在忠心兵團Clippers保護下鞏固鐵腕統治。

呢班戰士擁有超越一般百姓地位和享受,甘願為佢哋嘅郡主赴湯蹈火犧牲性命。於是只有少數嘅Clippers能活過30歲,但由Daniel飾演嘅辛尼係非一般戰士,憑着高強武藝,火速攀升為郡主昆恩(MartonCsokas飾)嘅Clipper首領,亦係佢最信任嘅親信。

多年來,昆恩一直係Badlands最強勢嘅領袖,從來冇人膽敢挑戰佢嘅地位,直至擁有寡婦外號嘅新任郡主(EmilyBeecham飾)開始肆無忌憚地攻擊佢嘅運輸車隊,挑釁開戰。喺一次突襲中,少年M.K.(AramisKnight飾)死裏逃生,因而遇上了辛尼。辛尼發現愛人美紗懷孕,但作為Clippers戰士係唔可以有家庭,同時辛尼發現少年M.K.原來藏有重大秘密,身體亦隱藏咗神秘力量,令辛尼燃起逃離Badlands嘅希望。M.K.與辛尼逐漸演變為師徒關係,一起展開一趟未知的旅程。劇集將與美國同步於本月16日喺AMC頻道(有線電視46台)首播。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載