蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月10日

【短片】【關係過從甚密】新聞部多人知? 吳璟儁同藍可盈係知己

(資料圖片)
建立時間 (HKT): 1110 06:00

今日有報道指,上周六凌晨影到藍可盈同吳璟儁喺天水圍密會,疑喺公園兜圈傾電話,最終冇見面。報道聲稱,雖然人夫吳璟儁同大台新聞部前編輯鄭悅朗結婚3年,但原來4年前,藍可盈已經係吳璟儁嘅知己。

據周刊爆,當年吳璟儁同鄭悅朗未結婚前,鄭悅朗已經知藍可盈同吳璟儁嘅友情,不過,最終吳璟儁都係同鄭悅朗拉埋天窗,更有知情者爆藍可盈同吳璟儁嘅關係,新聞部唔少人都知。真唔真呀!?

周刊又指,其實早喺上年已經傳過藍可盈同吳璟儁過從甚密,當時「花哥」袁志偉都聽過,疑叫咗藍可盈同吳璟儁去「照肺」,叫一係藍可盈走,一係吳璟儁離職,當然最終走嘅唔係吳璟儁!

藍可盈上年忽然辭職,據聞依家藍可盈重返TVB,袁志偉都落咗個order,叫佢兩個返唔同更,近日又再傳出藍可盈疑體態肥咗啲,佢仲再次遞信,下個月就轉去于品海旗下新媒體香港01返工,而吳璟儁老婆鄭悅朗目前任職立法會秘書處公共資訊主任。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載