蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月10日

【四大天王10個小八卦】名從何來? 誰是天王殺手?第五天王?

四大天王當年雄霸,不過周華健及林志穎出現,一度威脅四天王地位。(資料圖片)
建立時間 (HKT): 1110 06:00

這期興集體回憶,而九十年代的集體回憶,非四大天王莫屬,當年四大王叱咤娛樂圈,影響力遍及亞洲。

名從何來
點解叫四大天王?有傳聞話係92年由「演唱會之父」張耀榮,將當時最受歡迎的四位男歌手合稱為「四大天王」,其實是由前香港電台助理廣播處長張文新創作來出來。

年齡秘密
出道多年嘅四大天王,就好似食咗防腐劑咁,四位美魔男中,原來黎明係四個中年紀最細,下個月先夠49歲,城城就啱啱過咗50歲生日。華仔同學友就係長輩,兩個同為54歲。

感情生活
男大當婚,四大天王中,只有城城從未結婚,黎明就係08年同樂基兒秘婚,可惜婚姻只維持4年。緋聞不斷的城城,91年係台灣過26歲生日時,喺歌迷面前發表「30歲前不會失身」偉論。

天王殺手
身為香港仔嘅周華健係90年代,唱到情越濃越會化不開,係台灣爆紅,光榮回歸,唱作皆能,氣勢直逼四大天王,被封為「天王殺手」。除了周華健,台灣小旋風林志穎,當年來港迷倒萬千少女,「風力」也曾威脅四大天王。

撲克爭獎
93年四大天王加埋李克勤,於勁歌頒獎禮用揭啤牌形式爭最受歡迎男歌星獎,真係緊張又刺激,最後係黎天王嘅吸手Ace贏咗,仲喺哥哥張國榮手中接過大獎。

回歸合體
四大天王同台演出機會並不多,四人曾於92年度的港姐選舉,最近一次合體,都要數到8年前,佢地一齊係香港回歸十周年晚會裏面,聯袂演出。

獨欠黎明
除了唱歌,四大天王亦殺上大銀幕,但他們從沒有一同拍電影,陣容最鼎盛算係93年,王晶執導嘅《超級學校霸王》,請來學友、華仔同城城演出,獨欠黎明。

吹神品評
新一代歌神陳奕迅(Eason),在01年商台活動裏面,談到四大天王中,他買張學友的專輯比較多,而其他三大天王的唱片則缺乏吸引力,當時Eason被轟未紅先驕。

第五天王
96、97年,一個為你甘去蹈火海的人嘅鄭伊健,曾經被喻為「第五大天王」,但認受性不高。之後,樂壇校長譚詠麟亦封古巨基、許志安、梁漢文及李克勤為「新四大天王」,但同樣未獲得認同。

天后排名
女歌手中並未有統稱四大天后排名,不同年代有不同天后,好似80年代係梅艷芳、葉蒨文;90年代王菲、鄭秀文同陳慧琳;千禧年代就容祖兒同楊千嬅。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載