蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月12日

【短片】【係蔡思貝師姐】曾透過國力書院報大學李蘊冇畢業:讀咗等於冇讀

李蘊當年會考僅4分,就透過國力書院報讀菲律賓比立勤國立大學,不過佢話自己唔係勤力學生,所以冇畢業。
建立時間 (HKT): 1112 06:00

2013年港姐亞軍蔡思貝涉假學歷,有知情者爆料,前年10月蔡思貝選完港姐之後,就透過國力書院,報讀菲律賓比立勤國立大學(BulacanStateUniversity,BSU)嘅工商管理學士課程,竟然喺同年11月就讀完,12月獲頒證書,極速畢業。

呢間菲律賓大學真係與別不同,除咗有蔡思貝疑一個月讀完大學學位,原來李蘊都係呢間大學嘅舊生,仲同蔡思貝一樣報讀工商管理課程,不過,當年會考僅得4分嘅李蘊,只係讀完中五,憑4分就考到大學,被菲律賓比立勤國立大學「破格」收錄,令人匪夷所思!

今日《蘋果》致電向李蘊查詢,問到係咪讀菲律賓比立勤國立大學?佢話:「係呀,香港一個分學院咁囉。」

透過國力書院報讀?佢承認:「係呀。」對於呢間學校爆出風波,資格備受質疑,李蘊話:「唔知喎,當時係經理人幫我申請,讀咗年幾唔夠兩年,其實我冇乜點讀,我未畢業未讀得晒,我唔係好勤力學生,係公司安排我讀,但自己興趣唔大,有返去坐吓咁囉,但唔係好努力咁讀,所以冇畢業。」

李蘊承認當年會考只得4分,對於僅4分就入到呢間大學,會否覺得收生標準有問題?李蘊話:「公司幫我報,我唔知呀,我都係被動,總之我畢唔到業啦,讀咗等於冇讀啦。」覺得呢間學校教唔教到嘢呢?佢話:「我諗其他學生應該學到嘢,我比較懶散啲,老師有notes有考試,考試對我嚟講唔易,我咁渣,其他人年齡大,可能叻過我。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載