› 選擇地區
三藩市
紐約
洛杉磯
其他美國地區
香港 台灣 北美
 
2015年11月14日

【短片】【負皮王掀cut卡災難】梁烈唯拍MasterCard廣告網民:卡已剪

網民立即紛紛剪卡!
建立時間 (HKT): 1114 06:00

「我真係要同嗰班網民講,你哋實在太膚淺。」
「可能有啲人覺得我同樂小姐(樂易玲)friend、同Sandy(余詠珊)friend,我今日話俾你知:我係擦鞋呀,你吹呀!?你咁叻你擦俾我睇下!」

語出自愛國負皮王梁烈唯。佢個ig,之前俾高登仔cap圖,質疑佢個ig有220k,但當中唔少都係空殼戶口,唔知係咪fans們特地開一個ig去follow佢哋心愛嘅唯唯,定係……有大戶買like種生機?

家陣唯唯真係好紅,佢舉手投足都成為一班「太膚淺」嘅網民關注所在,就連佢賣廣告做代言,都一樣好惹人關注,仲大收宣傳之效……不過係反效果。

話說噚日,MasterCard香港嘅官方fbpage貼咗梁烈唯張相,叫大家一齊參加遊戲贏獎品——有機會欣賞HughJackman演唱會,但亦因為呢張相,引發公關災難。不少網民紛紛留言,聲稱要cut卡;亦有網民分別張貼「卡已剪」嘅圖,是真是假是否罐頭相不得而知。

截至今午二時,暫時有152個like,435個留言,三百幾個share,花生有之,嗌cut卡有之,有人甚至改埋slogan:「萬事皆可達,『唯』有『懲』無『價』--用唯唯,只會獲得懲罰,没有任何正面價值。」

有網民留言指:「作為一間國際知名品牌公司市場部,你没有好好維護公司最大利益。新生代申請信用卡一想到梁烈唯便二話不説選擇VISA。堅持廣告出街公關缺失猶如自殺。相信吉野家事件只是對該公司短暫影響,但貴部門『英明』決定對公司影響會是用年做單位。」也有人曲線道:「嘩,呢個post好engaging呀!個organicreach又高,短短一日已經達標啦~」

MasterCard官方fb小編未知是為此作出相應安排定係事有湊巧,總之呢張約22小時之前post嘅相,已經喺fb隱藏咗,張相冇刪到,留言亦都仲喺度,但入去佢哋個fbpage係搵唔到,相簿亦都搵唔到,只能按之前嘅sharelink先至搵得番,仲係用一個經特別處理過嘅album,入住唯唯呢張相。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載