蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月20日

【短片】【拍MV定拍拖?】周永恒「新歡」 被爆曾離婚?

周永恒長髮新歡周芷儀,被爆曾離婚。
建立時間 (HKT): 1120 06:00

周永恒(Roy)去年跟劉依靜(Ruby)搞婚外情,兼涉打老婆趙頌茹(阿Yu)弄致家庭破裂。

噚晚Roy突然喺facebook上載一張與o靚模周芷儀合照,被指疑是另結新歡,阿Yu噚日都回應話:「佢有佢生活,唔好再打搞我哋三母女。」

Roy同周芷儀呢段新戀情疑幻似真,「雙周戀」被爆出後,呢位新歡火速被起底。據悉佢哋最近合作拍新歌《唔諗你》MV,今日記者致電Roy老友兼音樂人曲赤,佢承認同Roy合作錄新歌,佢話:「係,新歌由Roy主唱,我負責rap。喺fb都戥佢開心,佢前排唔係幾開心,呢排見佢開心番啲。」

問周芷儀喺咪MV女主角?曲赤大賣關子:「問番Roy啦!」咁係咪Roy新女友?佢都係話:「咁私人問題都喺唔方便代佢答。」不過噚日Roy貼新相後,曲赤亦喺fb留言表示:「淨係睇幅相,都感受到你的喜悅。」

據了解周芷儀曾經同過一位叫Tommy嘅男子離婚,之後又同過唔同男仔拍散拖,搭上周永恒後,即delete晒同前男友嘅親密照,而且樣貌越變越靚。記者致電周芷儀,當佢知道係記者後即刻cut線,而Roy今午於facebook上載一張天空相,留言寫道:「心如晴空」。

此外,Roy喺fb貼上與周芷儀合照後,即惹來唔少網民留言,有網民問周芷儀係咪MV女主角,Roy就回覆:「她很美^^」

另外,有網友Alice留言鬧爆Roy公開同新女合照,無顧及家人感受,獲逾四百人like。Roy即留言反擊﹕「437個自義的like,Alice多謝你參與lee(呢)個社會實驗.....我以前不回應,任人寫,因為我rock得起,現在我會為身邊愛我的人保護自己。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載