› 選擇地區
三藩市
紐約
洛杉磯
其他美國地區
香港 台灣 北美
 
2015年11月21日

【短片】【金馬52】林嘉欣爆冷首奪金馬影后

建立時間 (HKT): 1121 06:00

再戰影壇嘅林嘉欣,今晚以兩襲黑色低胸及開胸裝出席金馬,憑《百日告別》爭逐影后,但今次對手實在太強,其中趙濤(《山河故人》)及舒淇(《刺客‧聶隱娘》)均被看高一線,最後由林嘉欣奪得。今次亦是她首奪金馬影后,由李康生、陳湘琪頒獎。林嘉欣今次一舉封后,亦是首位包辦了金馬獎女主角、女配角(《男人四十》)及最佳新演員(《男人四十》)。

林嘉欣於台上說:「我真的是完全沒準備,因為想也不敢想我運氣會這麼好,我想謝謝金馬獎,謝謝導演,謝謝所有《百日告別》台前幕後的工作人員,謝謝我的家人,兩個寶貝女兒,謝謝在天堂的父親,我在拍戲時他已不在,但感覺他一直在我身邊。我母親後天就65歲了,在這裏祝她生日快樂。有沒有漏掉誰?……哦!Steve,我先生……如果今晚我沒有對你們謝謝,不要氣我,沒有你們,我不會在這兒。」

林嘉欣喺後台接受訪問時,笑謂忘記多謝經理人同老闆,又多謝同事Coei,更大呼「我愛你!」又說:「好感謝父親,喺天堂守護我,畀我好大力量及勇氣,去拍呢部戲。今次係我回歸台灣第一部戲,好多人都忘記咗我喺台灣去到香港,自己都好用心拍呢部戲,攞獎時有啲『幌』,有啲頭暈,攬一攬張姐(張艾嘉),自己都好害怕,都唔知應唔應該上台好,好似當初第一次攞女配角咁,又係喺度暈及害怕。」

之後嘉欣再謂:「攞女配嗰陣都係李康生頒獎畀我,佢係我lucky,希望以後有機會入圍金馬,都係佢頒畀我,仲要多謝張姐提我多謝老公。」

今年林嘉欣憑復出作《百日告別》挑戰金馬影后,早前嘉欣接受本報專訪時就話過會以平常心面對,佢笑住話「唔會計算得唔得獎,反而我擔心當晚着乜嘢行紅地毯多啲。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載