蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年11月23日

【短片】【重提人生馬戲團失蹤】當年被點錯相?鍾嘉欣自爆有創傷後遺症

建立時間 (HKT): 1123 06:00

2005年8月,鍾嘉欣和楊思琦當年在番禺拍攝無綫劇集《人生馬戲團》,與陳浩民及唐文龍和工作人員唱K消遣,傳出被當地賊人打劫遇襲,更傳出楊思琦和鍾嘉欣失蹤2小時,事後無綫高層樂易玲勒令所有人封口,故除了當晚藝員及工作人員,無人得知事件真相,後來楊思琦和鍾嘉欣都鮮有提及此事,令網民多年來都不斷猜測。

事件相隔10年後,鍾嘉欣上節目《娛樂3兄弟》重提此事還原案情,節目噚晚播出,嘉欣道:

「o依家都過咗十年,我哋真係冇失蹤72小時嘅,但發生咩事,到o依家都係一個謎嚟嘅對我嚟講,其實嗰時係8月7號,係思琦生日,我同佢同房住,我哋變成好姊妹,佢唔開心,覺得冇人知佢生日,所以我就諗住比個Surprisebirthday佢,我就打俾唐文龍,佢話其實5分鐘出去就有個卡拉OK,好安全嘅,OK嘅,叫埋陳浩民佢哋安排。」

嘉欣續說:「唱到一點幾左右,其實大部份啲人都走晒,淨係我哋10個人一齊走,我太心急,行到最前截的士,一開(的士)度門,有十幾二十個男人,拎住咁大把圓月彎刀,咁大把(以手比劃),閃令令嘅夜晚,我最前,我睇得最清楚嘅,佢就舉起手講『別走(普通話)』之後跑跑跑跑跑,追殺我哋嘅我覺得,追到掘頭路,我覺得我哋死梗,但唔知點解有啲磚疊到咁高嘅,有啲垃圾又係疊到咁高嘅,有啲樹枝喺呢度嘅,寧寧舍舍有咁大個窿喎,我就話『思琦!跳!』咁我就咁樣冚住咗佢,喺啲窿罅度見到佢哋隻腳,就拎咗啲電筒照住想搵我哋,嗰下真係好驚,我真係以為會死,無啦啦我個電話響,以前係摺機嚟嘛,我又想人哋知我喺度,我即刻打開,開完就放喺心口遮住啲光,之後個PA(助導)就打嚟,佢話『嘉欣你喺邊呀?』我話我唔知呀,我好驚呀,佢話『啲壞人走咗啦』,佢越講呢句我就越驚,我諗會唔會一走出嚟就即刻捉我,最後我冇出嚟,又鎅損咗隻腳,最後佢終於搵到我哋,我哋匿埋咗喺掘頭路,之後係咁爆喊,嗰次之後真心有創傷後遺症,次次聽到嗰啲聲(現場模仿出嚟)就好驚。」

主持人問佢持續咗幾耐,嘉欣話一年半,問到佢知唔知被追殺原因,佢話:「我當係點錯相。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載