› 選擇地區
三藩市
紐約
洛杉磯
其他美國地區
香港 台灣 北美
 
2015年12月03日

【短片】【入境處捕獲喬傲天?】男神馬國明幫爸爸辦手續變出美麗誤會

建立時間 (HKT): 1203 06:00

頭先睇完王菲喺北京辦理業權手續時,幾乎成個Office嘅公務員衝晒埋去集郵影相攞簽名,置在場一眾排緊隊苦候嘅市民於不顧。結果主任遭處分。有網民就指:法律不外乎人情呀!咁。

擰一擰番轉頭,睇番香港。FB討論區「小心駕駛(討論別人駕駛態度)」有位林先生貼圖,咦,男神去咗入境處喎,林先生仲留言話:「馬國明真係好人,主動幫助老人家。」就係佢身邊呢位伯伯。

有網民就問:「正常人都會幫老人家,但問題係點解得男神幫,無入境處嘅職員幫?除非個伯伯係男神屋企人。」林先生話,當時佢見到呢位伯伯需要幫忙,咁啱馬明行過,於是第一時間上前幫助老人家,仲一直陪伴老人家,直至辦晒手續先至離開。傳媒向馬明求證後,原來嗰位伯伯,係馬明嘅爸爸嚟0架 原來爸爸證件到期,所以陪佢去換證,稍後仲全家一齊去旅行。原來一個美麗的誤會,但亦見出馬明一片孝心。

網民紛紛俾Like男神,仲一齊happyshare捕獲男神經驗,有人搭港鐵見過佢,大讚對方「好平實嘅人」;亦有人話:「好平實嘅人,喺樂富打冷舖見過佢同幾個佢同事或波友幾次,都好低調坐舖外面橋底位,無架子。」亦有人「突破盲腸」留言問:「入境事務處幾時可以咁靜?」又係喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載