蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月08日

【韓流】鬥威水!泰妍封32次冠軍徐玄做《MAMMAMIA!》

建立時間 (HKT): 1208 06:00

韓國女團少女時代成員不時都會各自發展,好似允兒會去內地拍戲,泰妍就出solo碟咁,講起泰妍佢就好威水,佢就創下咗今年喺音樂節目獲得最多第一嘅紀錄,今日泰妍方面就話:「今年喺音樂節目中因為第一獲得咗32個獎盃,真係好榮幸。多得好多人嘅關愛同應援,能夠非常愉快而又幸福地咁去唱歌。」

泰妍話:「今年係我真的無法忘懷嘅一年,從2月開始到12月為止,以少女時代以及個人都好努力地活動,現在年尾又以TTS《DearSanta》開始活動,希望今次活動也好努力咁做好,給大家展現好嘅一面。TTS首張聖誕專輯希望得到多多關愛,一直好感謝大家。多謝大家嘅應援,能夠以愉快而幸福嘅心唱歌。」

另外少時另一成員徐玄同樣十分威水,佢將會出演著名音樂劇《MAMMAMIA!》,《MAMMAMIA!》來頭好勁,先後已經喺超過240多個主要城市上演,而今日《MAMMAMIA!》製作方就宣佈,徐玄以一敵1,200名嘅候選演出者,成功打低佢哋成為《MAMMAMIA!》嘅女主角。發表官方立場,

據知《MAMMAMIA!》從今年6月開始,就進行咗為期兩周嘅試鏡選拔,今次試鏡從18歲到55歲嘅演員都可以參加,共有1200名演員前嚟試鏡,再一次認證咗《MAMMAMIA!》「國民音樂劇」的稱號。

據製作方介紹,徐玄一登場就表現出極強嘅自信面貌,雖然只係試鏡,但佢非常投入,甚至親自將現實嘅媽媽日記本帶到現場,進行排練,佢嘅努力感動了在場所有評委。徐玄就話:「我經常睇電影同音樂劇,《MAMMAMIA!》係我平時非常鍾意嘅音樂劇。因為正式試鏡音樂劇係第一次,亦都好擔心落選,事前非常用心準備。平時我經常練習演唱《MAMMAMIA!》嘅歌曲,對佢有份特別嘅熱情。」

另外,《MAMMAMIA!》將於明年2月24號至6月4號喺首爾公演。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載