› 選擇地區
三藩市
紐約
洛杉磯
其他美國地區
香港 台灣 北美
 
2015年12月18日

【短片】【離巢兩個月】陳國邦回巢無綫:公司需要我返去演出

建立時間 (HKT): 1218 06:00

今年10月,「彭三順」決定離開效力15年的無綫,這亦是他第二次離開。灰心,無奈。好的演員,在這片土地上,即使紮了根,但要向高空發展,還是有一定難度。

彭三順——即是陳國邦,當時寫了一封「公開辭職信」,宣佈離巢。公告天下,當初是為了不想給自己一條後路;也落落大方講清楚,離開的原因,不是權鬥,不是沒有人工加(雖然係好少)。而是「在這15年間,只希望能用自己的能力換取賞識及當主角的機會,結果是讚賞得到不少,而機會卻越見越渺茫。」

兩個月後,陳國邦宣佈:「其實我已經應承咗返TVB。」接著苦笑了一下:「不過好似我上次走一樣:我辭職,但我其實合約未完;我應承返去,但其實合約又未簽。哈哈。口頭上應承咗。」

網民或者會問:「玩嘢咩?」或者「撈唔掂?」且先讓陳國邦說:「其實主要係毛姐(毛舜筠),因為佢會返去幫無綫拍一套處境劇,今次工作上,毛姐親自搵我…咁所以……其實打動我係毛姐、珍姐(曾勵珍)同公司同事。毛姐搵我嗰陣,佢都話:『哈!真係得意!』佢以前話唔做電視,佢都願意拍。佢返去嗰陣,佢親自搵我,同我講,喺呢個劇裡面佢會同我一齊。佢有呢個提議後,公司都好積極咁做咗好多工作,咁我都覺得呢件事係……我覺得對公司嚟講,處境係難過我,因為我係選擇離開嗰個,咁依家公司又選擇叫番我返嚟。我諗佢哋做嘅決定仲難過我。」

「咁我諗喺咁嘅環境之下,毛姐、珍姐,處境劇嘅監製都有分別搵我,同我去傾呢件事,我太太都有同我分析……呢件事其實幾特別嘅,因為我選擇咗離開,咁我都有講過,如果邊度有需要我嘅地方,我就會去邊一度演出,只係估唔到公司咁快有一個行動,需要我返去演出,所以我就應承咗。」

是的,陳國邦宣佈,在宣佈離開無綫的兩個月後,宣佈二度回巢。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載