› 選擇地區
三藩市
紐約
洛杉磯
其他美國地區
香港 台灣 北美
 
2015年12月18日

【短片】【獨家】難忍洗米華拖Mandy 洗米嫂承認:係,搞緊離婚

洗米華同Mandy世紀拖手,Heidi即決定離婚。
建立時間 (HKT): 1218 06:00

一個女人的容忍限度到底有幾大?婚書上許諾一生一世,「一生」,真有一生那麼長?

30歲混血名模MandyLieu,去年8月時被拍到跟太陽娛樂老闆、已有家室人稱「洗米華」嘅周焯華一同出席友人飯局,爆出戀情。事後Mandy喺微博承認兩人發展中,及後兩人每次蜜會,都俾傳媒影到;去年11月流出一段兩人喺澳門豪賭百家樂嘅短片,片中Mandy甘願做人肉梳化俾洗米華坐大髀,當洗米嫂Heidi(陳慧玲)冇到。

密密出招嘅Mandy,出埋絕招——生BB,箍實洗米華,但Heidi亦於差不多時間懷有身孕並誕下女兒。其後Mandy雖然搬到倫敦,但與洗米華仍然來往。九個月後,Mandy返港。7點幾抵港,一個人現身機場;晚上9時左右去到九龍城打邊爐;晚上11時13分,洗米華來與Mandy一齊打邊爐。今日凌晨12時50分左右,洗米華與Mandy世紀拖手。

短短五個鐘,Mandy彈不虛發搶佔正印地盤。以為新一輪「爭米」大戰又開始?Heidi宣佈幫自己「除名」——離婚。

Heidi今日傍晚接受《蘋果》電話訪問,直認今早、亦即是洗米華與Mandy世紀拖手之後,向洗米華簽紙離婚。

其實早於上月,自覺再難忍受與別人一同分享同一個男人的Heidi,今日凌晨眼見丈夫不給自己一點面子、當著傳媒拖著Mandy,終於心死,決定離婚。

問Heidi是否離婚,她平靜地謂:「係,搞緊離婚。因為依家交俾律師處理,唔方便透露,多謝關心。」

據知,Heidi今次除了分配身家外,她與洗米華所生兩個女兒,撫養權亦是歸女方;而洗米華亦將搬出位於澳門的大宅。

之前說好的familytrip,原定是洗米華攜Heidi及子女等出埠去旅行,如今Heidi決定不會同行,但洗米華將如期與子女出發。

另外,洗米華同Heidi嘅大女周梓潼(Virginia)今日晚上搭船到達咗香港,爸爸洗米華亦去碼頭接佢,相信係佢聽日同洗米華一家一齊出發坐飛機去日本。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載