蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月19日

【傳林映輝都震走埋】《東張》大換血36歲蓋世寶前路茫茫

建立時間 (HKT): 1219 06:00
總有一日,打開個電視,全部人都唔識。

今日大台維穩節目《東張西望》,有消息流出會大換血,一班廠景主持都被換走,包括大家熟悉嘅陳倩揚、黎芷珊、麥雅緻等一班無綫舊人,容羨媛就調去外景;咁《東張》本身嘅外景組呢,林映輝及蓋世寶等,據知亦冇份留低。綜藝科製作資源總監余詠珊自是另有打算,邀有線舊部李潤庭過檔,主要安排佢主持出年一月改革嘅《東張》,安排佢同陳貝兒等前有線人及同何傲芝傳過緋聞嘅林溥來坐堂做主持。

黎芷珊‧林映輝同蓋世寶,效力大台多年,84年已入行嘅黎芷珊姐姐,拍劇不多,主力都係主持工作,由87年《430太空梭》、《閃電傳真機》開始,到94年開檔嘅《城市追擊》、之後嘅《全線大搜查》同《東張西望》,都見到佢嘅蹤影。

至於外景主持、36歲嘅蓋世寶,喺今次大地震之中都會被換走,而林映輝都有傳被換走。查實近期蓋世寶喺大台都已經好少拍劇,佢呢十幾年都係主力做兒童節目,94年已加入《閃電傳真機》,之後幾代嘅兒童節目《至Net小人類》、《放學ICU》都有份,年資僅次於譚玉瑛姐姐,仲曾經於1999年和2000年擔任TVB兒童節大使。不過自從余詠珊落刀殺兒童節目後,蓋世寶只係做下《東張》咁。依家連《東張》都冇,前途堪憂。

另一個係未必知佢全名,但知道佢叫輝仔嘅———林映輝。佢都係由94年《城市追擊》嗰時已經開始做主持,咁多年嚟,仲做過《全線大搜查》,總之一睇嗰時段嘅節目都會有佢份,但輝仔比蓋世寶慘就係因為佢冇劇拍,所以《東張》飛走佢,輝仔真係唔知可以喺大台做啲咩喇。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載