› 選擇地區
三藩市
紐約
洛杉磯
其他美國地區
香港 台灣 北美
 
2015年12月20日

【個國家唔係你!】笑叻哥俾人玩謝 秋生:佢真係好鬼頂癮

(網上截圖)(facebook截圖)
建立時間 (HKT): 1220 06:00

陳百祥(阿叻)早前講起蔡思貝嘅學位,疑涉偽造學歷,點知阿叻就力撐呢個唔係問題,又話自己係練馬師,人哋由第八級開始考上去,佢一做就做第一級,睇下你叻唔叻啫!(新聞連結: http://bit.ly/1RwHf3m )

一向語出驚人嘅陳百祥,之前喺大台節目《網絡挑機》寸黃之鋒同周永康厚面皮,噚日港台播出節目《我係乜乜乜》,陳百祥又發表佢嘅「偉論」,揚言大部分網民「讀壞書」、憎人富貴厭人窮,又話如果啲網民考到「12條A」先叫叻(誤)。(新聞連結: http://bit.ly/1NvNTmG )「12條A」……咁「10優狀元」嗰啲又叫咩!?

陳百祥又喺節目中,揚言自己「後生啲」,可能係facebook創辦人,如果自己係「90後」,就有機會做特首,陳百祥仲認為梁振英政府表現佳,只係批評者「冥頑不靈」,聲稱:「你接唔接受都無用,因為呢個國家唔係你嘅、唔係你打出嚟嘅呢個天下。」

新鮮出爐嘅視帝黃秋生噚晚於facebook留言:「阿叻哥俾人玩到謝咗,個國家唔係你嘅都講得出。哈哈哈!佢真係好鬼頂癮!」

有網民留言:「估唔到一個電視節目有如此大迴響,並暴露了某些人士的底牌,看清楚此人有多膚淺,只識圍住班有錢佬擦鞋,言之無物,最悲哀是真的以為自己好有料,論人品、論口才志偉有過之而無不及。」另有網民寫道:「講真呀!啲人叫佢阿叻,其實係寸x佢,點知佢以為係真!」亦有網民直言:「有一代人,天時地利做就咗佢哋嘅成功,意氣高傲。」

另外,陳百祥於節目中又批評讀公開大學嘅學民思潮召集人黃之鋒「八間大學都考唔到,我點話你叻呀?」事後,黃之鋒喺facebook專頁,反問「陳百祥無讀大學兼會考得13分,咪照樣做咗一線藝人」、「就算你覺得我廢青無出息乜都好,我叻唔叻根本唔係由你判斷,亦唔需要向你交待,只要我向到自己負責咪得」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載