蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月21日

【短片】【鄺佐輝病逝】病情反覆鄧英敏上周探望:叫佢唔好牽掛

鄧英敏(圓圈)上周探望鄺佐輝
建立時間 (HKT): 1221 06:00

藝人鄺佐輝去年罹患腸癌,昨日(20日)下午不幸在明愛醫院病逝,終年59歲,他的九龍鄧鏡波中學師弟李守政昨晚在facebook留言悼念:「鄺佐輝師兄剛剛回歸父家。請大家為他的靈魂祈禱。」

鄺佐輝於去年證實患上癌後,病情反反覆覆,不幸於今年9月又再復發,最近有指他已停止化療,只靠藥物紓緩痛楚!本月9日,好友廖安麗、吳浣儀、麥振江等曾到醫院探望,當時鄺佐輝雖然病容憔悴暴瘦,但仍面露笑容跟廖安麗握手合照,可惜事隔個多星期,已經天人永隔!

好友鄧英敏接受電話訪問表示:「上周一我夜晚11點幾去過醫院探佢,當時佢瞓咗,醫生都話咗佢情況幾論盡,我同杜平、姚子羚等最近錄咗打氣片段畀佢,姚子羚出道同鄺佐輝拍過劇,佢一直視佢係恩師。我喺打氣短片中,叫佢唔好有牽掛,如果天父嚟接佢就走,因為身邊人仲痛苦。」

林韋辰透露鄺佐輝這幾日情況好危險,他在電話說:「前兩日撞到一個好好醫生肯免費幫佢醫,之前探佢仲落到地,醫生話如果落到地食到嘢去到洗手間,有六、七成把握醫佢,大前日打畀佢老婆,佢話唔得啦,已經半昏迷要打嗎啡!前妻、女兒都返晒嚟。」

鄺佐輝生前育有三名女兒,前年跟比自己年輕19年的內地女子再婚,怎知婚後半年發現患上腸癌,未幾癌細胞擴散至肝臟,需切除部份肝保命。抗癌勇士鄺佐輝一直樂觀面對病情,今年3月做完第8次化療康復,更復工投入工作,可惜於3個月前癌症復發,已留院近一個月,其間曾接受一次標靶治療,惟副作用太大太辛苦,終決定停止化療,轉為尋求中醫診治,不過效果未見理想。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載