蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月25日

【短片】紫羅蓮離世白雪仙飯局聞死訊劉培基:佢完全冇出聲

建立時間 (HKT): 1225 06:00

粵語片年代紅星紫羅蓮(原名鄒潔蓮),昨晚離世,享年91歲。

歐錦棠太太萬斯敏同紫羅蓮相熟,阿棠接受《蘋果》電話訪問時,證實死訊:「我個姪同梨園中人相熟,佢收到紫羅蓮噚晚走咗,之前我太太一直想邀請佢做創世電視訪問,好遺憾做唔成。」至於萬斯敏亦覺得好相當突然:「佢係一個好開朗嘅前輩,聽到佢走咗,好突然。」

與仙姐白雪仙私交甚篤的劉培基,今日接受電話訪問時,亦說:「噚晚同仙姐一班朋友食飯,大家收到呢個消息,仙姐聽到都唔開心,完全冇出聲,佢經歷呢啲太多!」他又謂:「我雖然唔識紫羅蓮,但身邊好多朋友識佢,佢係一個值得尊重前輩,好低調,真係好可惜!」

紫羅蓮生於1924年,13歲開始學習粵劇,其後在馬師曾的太平劇團當二幫花旦。14歲時躍身銀幕,處女作《第八天堂》。首部擔正女主角的作品是《醋淹藍橋》。戰後重返香港當電影演員,首演《含笑飲砒霜》,作品逾110齣,多演少女、賢妻良母等角色,其作品包括與梁醒波合拍的《呆佬拜壽》、與盧敦、吳楚帆等演出的《千萬人家》,還有《危樓春曉》、《寶蓮燈》、《黛綠年華》、《家》、《朱門怨》等等。

1952年,紫羅蓮與吳楚帆、白燕等創辦了「中聯電影企業有限公司」,作品包括由紫羅蓮自編自導自演的《馬來亞之戀》。後來她又創辦「紫羅蓮影片公司」,最後一部作品是1964年的《恨海情天》,退出影壇後專心傳教和當義工。最後一次公開露面是今年11月,到油麻地戲院出席「粵藝推廣協會」舉辦的活動。

2004年,紫羅蓮與教友岑建勳、張堅庭及林以諾牧師等,為出戰九龍西參選立法會的劉千石拉票。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載