蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月05日
馬上成為壹會員

【鵬仔Cuson被退役】新城地震完到港台《晨光第一線》成重災區

建立時間 (HKT): 0105 06:00

聽日就係港台十大中文金曲舉行之日,在此重大日子前夕,港台亦於年關之前驚爆大地震。

一朝天子一朝臣,繼新城電台一輪地震、令多位老臣子要提早退休或「被消失」後,香港電台第2台日前宣布要重整節目架構,其中老牌節目《晨光第一線》更是重災區,多位元老級DJ包括羅啟新、程振鵬等將「被退役」,下星期一(11日)便會換上第2梯隊,包括凌梓維、崔潔彤等上陣,有多位聽開該節目的聽眾,日前在香港電台第二台的面書留言,指他們不聽取民意,更有人說下星期會罷聽。

網民留言稱:「由幾歲開始聽足三十年,大換血成咁都未試過,非常唔開心。」、「朝代更新是必然的,關鍵在於如何處理」、「明白無舊人走,新人無機會,但全部都係無咩做時事訪問嘅經驗,就一啲都唔吸引人聽囉,Kitty同小白同嘉賓做電話訪問完全係俾人帶住走,又唔會反問番人哋嘅意見,同鵬仔做節目兩回事。」、「「要換新形式無可厚非,但使唔使夾硬掉走啲舊人,又無得好好睇睇交代。話晒鵬仔CusonLaw喺呢個節目居功不少,無佢哋點會做到咁耐,幾時港二台變成大陸咁要封嘴?」

至於新城《新香蕉俱樂部》主持杜浚斌(Ben),傳聞是今次大地震之列,今日佢接受《蘋果》電話訪問時稱:「我做到星期四,冇收大信封,係三星期前自己決定走,因為電台新方向同我模式唔相近,聽講資訊性啲,娛樂會削減,今晚我會喺節目講拜拜。」至於盛傳被轉兼職嘅范振鋒,就表示未收到電台指示。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載