蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月08日

【短片】【傳升做副台長】恩人陳少寶被裁 林柏希:有得講Bye已經好幸運

建立時間 (HKT): 0108 06:00

新城傳出高層朱明銳被退休後,由朱明銳請入去主持節目嘅陳少寶,連同一齊主持節目《少寶與文狄》主持拍檔杜文狄都冇得留低(新聞連結: http://bit.ly/1n1QZpT ),陳少寶怒斥新城此「瘦身行動」乃清除異己,最嬲係除夕當日先至收到被裁通知,連俾佢喺節目同聽眾講拜拜嘅機會都唔畀!

新城知訊台主持林柏希日前盛傳佢升職副台長,今日返新城,問係唔係要恭喜佢升職,林柏希表示:「我唔知,自己都唔知道,之前係收過電話係問我係唔係升職,但我真係唔知,一個星期前,只係知我做開嘅《晨「希」GoodDay》要完結,覺得節目更替係一個好正常嘅事。」

林柏希直言:「留定走都係公司信任我哋嘅,有得講Bye-Bye,已經係好幸運嘅事。」問佢覺唔覺得資深DJ陳少寶早前連Bye-bye都冇得講,呢件事好無情,林柏希稱:「呢啲係大人嘢,學張敬軒話齋我哋係細路仔,即係大人嘢真係唔方便評論,少寶都係我嘅恩人嚟,因為有3年跟佢合作做節目,無論佢係點,我都支持佢,不過呢啲唔方便comment。」

林柏希又指,之前有人問過佢係唔係嚟緊冇咩娛樂、音樂嘅嘢,佢坦言:「相信係呢個方向,冇可能完全冇音樂及娛樂嘅節目。」佢仲話如果真係升職就多謝大家,又讚自己個人好肯嘗試,無論鍾意唔鍾意都會試咗先算。

另外,佢個節目主持仲有黎海珊及黃紫盈等,林柏希解釋,黎海珊上年12月尾已經離開咗公司,而黃紫盈嚟緊要拍旅遊節目,要去一段長時間,1月8號(即今日)就係黃紫盈lastday,呢個係一早決定咗,林柏希續言:「無論fulltime變parttime,定係有人走,o依家都未知道,不過歷史話畀我聽,呢啲改動可能只係呢段時間,啲同事走咗,之後又會合作番,只係呢個moment而已,睇定啲先喇!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載